ރާއްޖެ މިއަދު ދުނިޔެއާ ގުޅިފައިވާ ކަމަށް ތިމާވެއްޓާ ބެހޭ ވަޒީރު ތޯރިގު އިބްރާހިމު ވިދާޅުވެފައިވާ ވުމަށް ރައީސް އަބްދުﷲ ޔާމީން އަބްދުލްގައްޔޫމު ރައްދު ދެއްވައިފިއެވެ.

ބުރާސްފަތި ދުވަހުގެރޭ ޕީއެންއެފްގެ އޮފީހުގައި ބޭއްވި ޖަލްސާގައި ރައީސް ޔާމީން ވިދާޅުވީ، ރާއްޖޭގައި މިހާރު ކަންބޮޑުވާ މިންވަރަށް ކޮރަޕްޝަންގެ ކަންކަން ކުރިއަށް ގޮސްފައިވާ ވި ނަމަވެސް އެއަށް ވުރެވެސް ނިސްބަތުން ބޮޑެތި މައްސަލަ އެބަހުރި ކަމަށާ އެގޮތުން ޗާގޯސް މޮރިޝަސްއަށް ރަސްމީކޮށް ދިނުމަށް އިނގިރޭސިން އެއްބަސްވި ވުމަކީ ވެސް ރާއްޖެއާ ގުޅުން ހުރި މުހިއްމު ކަމެއްކަން ރައީސް ޔާމީން ފާހަގަކުރެއްވިއެވެ.

އެގޮތުން ރައީސް މުހައްމަދު މުއިްޒުގެ ސަރުކާރަކީ ދުނިޔެއާ ގުޅުން ބޮޑު ސަރުކާރަކަށްވުމުން ވެސް ވީފައިދާ އެއް ނެތް ކަމަށާ އެގޮތުން ފޯޅަވަހި ގެއްލިގެން ދިޔައިރުވެސް ސަރުކާރުން ބަހެއް ބުނެނުލާކަން ރައީސް ޔާމީން ފާހަގަކުރެއްވިއެވެ. އަދި މިނިސްޓަރު ތޯރިގަށް އިޝާރާތްކުރައްވާ ވިދާޅުވީ، ދުނިޔެއާ ރާއްޖެ ގުޅިފައި އޮތުމުގެ ފައިދާއެއް ނުފެނު ކަމަށެވެ.

ރައީސް ޔާމީން އިތުރަށް ވިދާޅުވީ، ޗާގޯސް މައްސަލައާ ކަނޑުގެ ސަރަހައްދު ވިއްކާލި މައްސަލައާ އިންޑިއާ ސިފައިންގެ މައްސަލައަކީ އެމަނިކުފާނު ކަންބޮޑުވެވަޑައިގަންނަވާ ކަންކަން ކަމަށާ އެ ވާހަކަ ދައްކަން ކޮންމެހެން ވެސް ޖެހޭ ކަމަށެވެ.