ރާއްޖޭގެ ދެކުނުގެ ސަރަހައްދުތަކަށް މިއަދު ކެރީގެ އަސަރު ފޯރާނެ ކަމަށް ގައުމީ މޫސުމާ ބެހޭ އިދާރާ (މެޓް) އިން ވިދާޅުވެއްޖެއެވެ.

ދެކުނުގެ އަތޮޅުތަކަށް ހުޅަނގާއި ހުޅަނގު އުތުރުން، އެހެން ހިސާބުތަކަށް ހުޅަނގުދެކުނާއި ހުޅަނގުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މެޓް އިން ވިދާޅުވެފައިވެއެވެ.

މީގެއިތުރުން، ކަނޑުތައް އާދައިގެ ވަރަކަށް މަޑުވާނެ ކަމަށާއި ރާޅުގެ އުސްމިނުގައި 1-4 ފޫޓް ހުންނާނެ ކަމަށް ވެސް ލަފާކޮށްފައިވެއެވެ.

ދެކުނުގެ ރަށްތަކަށް މޫސުން ގޯސްވިއަސް އެހެން ހިސާބުތަކަށް މޫސުން ރަނގަޅު ވާނެ ކަމަށްވެސް މެޓް އިން ބުނެފައިވެއެވެ.