އީރާގުން ސަހްޔޫނީންގެ އުތުރަށް އަމާޒުކޮށް ދިން ޑްރޯން ހަމަލާތަކެއެއްގައި، އެ ގައުމުގެ 2 ސިފައިން މަރާލައި އިތުރު 24 ސިފައިން ޒަހަމްކޮށްލައިފިއެވެ.
އީރާގުގެ މި ހަމަލާގައި މަރުވެފައިވަނީ ސާޖަންޓް ޑެނިއަލް އަވީވް ހައިމް ސޯފަރ އާއި ކޯޕްރަލް ޓަލް ޑްރޯރއެވެ. މިއާއިއެކު، ސަހްޔޫނީން ހާމަކުރި ގޮތުގައި، މި ހަމަލާގައި އަނިޔާވި 24 ސިފައިންގެ ތެރެއިން ދެ ސިފައިންގެ ހާލަތު ވަރަށް ސީރިއަސްއެވެ.
ސަހްޔޫނީންނަށް އަމާޒުކޮށް 2 ޑްރޯން ހަމަލާ ފޮނުވާލިއިރު، އެ މީހުންނަށް މަތަކުރެވުނީ އެންމެ ޑްރޯން އެކެވެ. އަނެއް ޑްރޯންވަނީ ސަހްޔޫނީން ހިފާފައިވާ ސީރިއާގެ ގޯލަން ހައިޓްސްގައި ހުރި ސިފައިންގެ ބޭސް އެއްގައި ޖެހިފައެވެ.
މި ހަމަލާދިން އިރު، ސަހްޔޫނީންގެ އެއަރ ޑިފެންސް ސިސްޓަމްތަކަށް ޑްރޯން ޑިޓެކްޓް ނުކުރެވުމުގެ ސަބަބުން ރޮކެޓް އިންޒާރުގެ ސައިރަންތައް އެކްޓިވޭޓް ކުރުމަށް އެމީހުން ވަނީ ފެއިލްވެފައެވެ.
