ކޮރަޕްޓް ކުންފުންޏެއް ކަމަށްވާ ވިޓޯލްއަށް ދިވެހިރާއްޖެއިން ޖާގަ ލިބުނުއިރު، އޭގެ ފައިދާތަކެއް ލިބުނު ބަޔަކު ރާއްޖޭގައި ތިބޭނެ ކަމަށް ރައީސް އަބްދު الله ޔާމީން އަބްދުލްގައްޔޫމް ވިދާޅުވެއްޖެ އެވެ.

ރައީސް ޔާމީން މިފަދައިން ވިދާޅުވެފައި ވަނީ ބުރާސްފަތި ދުވަހުގެ ރޭ ފްރޮންޓް އޮފީހުގައި އޮތް ޖަލްސާގައި ވާހަކަދައްކަވަމުންނެވެ.

އެގޮތުން އެމަނިކުފާނު ވިދާޅުވީ ޓުއަރިޒަމް ސިނާއަތް ފެންކޮށްލާފައި، އަރާވަރުގެ ބަންކަރިން މަޝްރޫއު ފުރަތަމަ ކުރީ ލުބްރިކޭޓް ކޮށްގެން ކަމަށެވެ.

ބަންކަރިންގެ މަޝްރޫއަކީ ބޮޑު މަޝްރޫއެއްގެ ގޮތުގައި ރައީސް މުހައްމަދު މުއިއްޒު ވިއްކި ނަމަވެސް އެ މަޝްރޫއު އިފްތިތާހްކޮށްދެއްވަން ވެސް ވަޑައިނުގަންނަވާކަމަށް ރައީސް ޔާމީން ވިދާޅުވިއެވެ. ރައީސް މުއިއްޒު ވަޑައިނުގަތީ އެ މަޝްރޫއުގެ ހަގީގަތް އެނގިލައްވާތީ ކަމަށް ވެސް ރައީސް ޔާމީންގެ ވާހަކައިގައި ފާހަގަކުރެެްވިއެވެ.

ރައީސް ޔާމީން އިތުރަށް ވިދާޅުވީ މި ޚިދުމަތުގެ ތެރެއިން ފެން ގެންގޮސްފައި ވަނީ ކޮޅުވެއްޓިއެއްގައި ކަމަށެވެ.

ވިޓޯލްހާ ކޮރަޕްޓް ކުންފުންޏަކަށް ރާއްޖެއިން ފުރުސަތު ލިބުނު ގޮތެއް އޮންނާނެ ކަމަށާއި މީގެ ފައިދާ ރާއްޖޭގެ ކޮންމެވެސް ބަޔަކަށް ލިބިފައިވާ ކަމަށް އެމަނިކުފާނު ތުހުމަތު ކުރެއްވިއެވެ.