ލުބުނާނުގެ ދެކުނުގެ ފަޔަރ ސްޓޭޝަނަކަށް ސަހްޔޫނީން ދިން ހަމަލާއެއްގައި އަލިފާން ނިއްވާ 10 މީހުން މަރުވެފައިވާ ކަމަށް ލުބުނާނުގެ ސިއްހަތާ ބެހޭ ވުޒާރާއިން ބުނެފިއެވެ.

ހަމަލާގެ ސަބަބުން އިމާރާތް ހަލާކުވުމުގެ ކުރިން އަލިފާން ނިއްވާ މީހުން ތިބީ ބަރާޗިތު އަވަށުގެ އިމާރާތުގައި "ރެސްކިއު މިޝަންތަކަށް ނުކުތުމަށް ތައްޔާރުވަމުން" ކަމަށް މިނިސްޓްރީން ބުންޏެވެ.

ލުބްނާނުގެ ސިއްހަތާއި ބެހޭ ވުޒާރާއިން ހާމަކޮށްފައިވާ ގޮތުގައި ހަމަލާދިން ސްޓޭޝަނުން އަދިވެސް އިތުރު ޒަޚަމްވެފައިވާ މީހުން ދަނީ ހޯދަމުންނެވެ.

ސަހްޔޫނީން އަންނަނީ ބެއިރުތް އަށް ވަރުގަދަ ހަމަލާތައްދީ ބެއިރޫތު އަނދާ އަޅިއަށް ހަދަމުންނެވެ. ސަހްޔޫނީން ދެމުންދާ ހަމަލާގައި އެތައް ކުޑަ ކުދިންނެއް ވަނީ މަރުވެފައެވެ.

އަނިޔާވެރި ސަހްޔޫނީންގެ ވެރިން މުސްލިމުން މެރުމަށްފަހު، ހިތްހަމަ ޖައްސާލަން ރާއްޖެއަށް އަންނަ މިންވަރު ދަނީ ދުވަހެއް ދުވަހަކަށްވުރެ އިތުރުވަމުންނެވެ.