ޔަމަނުން ސަހްޔޫނީންނަށް އަމާޒުކޮށް މިއަދު މިސައިލް ހަމަލާއެއް ފޮނުވާލައިފިއެވެ.

މި ހަމަލާގެ ސަބަބުން ސަހްޔޫނީންގެ އަވަށެއްފައި ރޯވެފައިވާކަމަށް ރިޕޯޓުތައް ބުނެފި އެވެ.

ރިޕޯޓުތައް ބުނާގޮތުގައި ޔަމަނުން ސަހްޔޫނީންނަށް ފޮނުވާލި ބެެލިސްޓިކް މިސައިލް ހަމަލާއެއް އިންޓަސެޕްޓު ކުރަން އުޅުމުގެ ތެރޭގައި މިސައިލްގެ ބައެއް ބައިތައް ގުދުސްގެ ހުޅަނގުން 30 ކިލޯމީޓަރު (19 މޭލު) ދުރުގައި އޮންނަ ބެއިޓް ޝެމޭޝްގެ މަގުތަކަށް ވެއްޓުމާއި ގުޅިގެން އެއަވަށުގެ ބައެއް ސަރަހައްދު ތަކުގައި ވަނީ އަލިފާން ރޯވެފައި އެވެ.

ހަމަލާގައި ގެއްލުމެއް ނުލިބޭ ކަމަށް އެ ގައުމުން ބުނި ނަމަވެސް ހަމަލާގައި ގެއްލުންތައް ލިބުނު ކަން ހާމަކުރީ ސަހްޔޫނީންގެ އެކި މީޑިއާތަކުންނެވެ.

މި ހަމަލާގެ ޒިންމާ އަދި މިހާތަނަށް އެއްވެސް ބަޔަކު އުފުލާފައި ނުވާއިރު މިއީ ޔަމަނުގެ ހޫތީން ދިން ހަމަލާއެއް ކަމަށް އެ ގައުމުގެ އަސްކަރިއްޔާއިން ތުހުމަތު ކުރެއެވެ.