މޫސުން ގޯސްވާނެ ކަމަށް ލަފާކުރެވޭތީ، މިއަދު ހެނދުނު 7:15 އިން މެންދުރު 13:00 ގެ ނިޔަލަށް ހުދު ސަމާލު ނެރެފިއެވެ.

ހުދު ސަމާލު ނެރެފައިވަނީ ނ އަތޮޅުން ފެށިގެން ލ އަތޮޅަށެވެ.

މޫސުމާ ބެހޭ ގައުމީ އިދާރާ މެޓު އޮފިހުން ނެރުނު ސަމާލުގައި ބުނެފައިވަނީ، މި ސަރަހައްދަށް ބޯކޮށް ވާރޭ ވެހޭނެ ކަމަށާއި ވިލާގަނޑުގައި 40 މޭލަށް ވައިގަނދަވާނެ ކަމަށެވެ.

ރާއްޖޭގެ އެކި ހިސާބުތަކަށް ވިއްސާރަކޮށް ކަނޑުތައް ގަދަވެ، ކަނޑުމަތީގެ ހާދިސާތައް ހިނގަމުންދާތީ، ކަނޑު ދަތުރުކުރާ ފަރާތްތަކުން ދަތުރަށް ފެށުމުގެ ކުރިން މޫސުމާބެހޭ އެންމެފަހުގެ މައުލޫމާތު ހޯދައި އަދި ރައްކާތެރިކަމުގެ ފިޔަވަޅު އެޅުމަށް ފުލުހުން ވަނީ އިލްތިމާސްކޮށްފައެވެ.