މާލޭގެ ގެއެއްގައި މަސައްކަތް ކުރަމުން އަންނަ އިންޑިއާ އަންހެނަކު ފިލައިގެން އުޅޭތީ އޭނާ ހޯދުމަށް އާންމުންގެ އެހީއަށް އެދިއްޖެއެވެ.

އެ އަންހެން މީހާ ރާއްޖެ ގެނައި މީހާ ނޫހަކަށް އަށް މައުލޫމާތު ދެމުން ބުނެފައި ވަނީ އޭނާ ރާއްޖެ އައިތާ އަދިވާނީ ދެ މަސް ދުވަސް ކަމަށެވެ.

އަދި އޭނާ އައިސްފައިވަނީ ހައުސް މެއިޑެއްގެ ގޮތަށް ކަމަށާއި އޭނާ ރާއްޖެ ގެނެސްފައިވަނީ އެއް އަހަރުގެ ވޯކް ޕާމިޓް ދައްކައިގެން ކަމަށް ވެސް ވަނީ ބުނެފައެވެ.

އެމީހާ އިތުރަށް ބުނީ މެއިޑް ފިލައިގެން ގޮސްފައިވަނީ އިއްޔެ މެންދުރުގެ ވަގުތެއްގައި ކަމަށާއި އެކަން ފުލުހުންނަށާއި އިމިގްރޭޝަނަށް ވެސް ރިޕޯޓް ކޮށްފައިވާނެ ކަމަށެވެ.

ރާއްޖޭގައި އުޅޭތާ ދެމަސްވީ މީހަކަށްވުމުން އޭނާ ހޯދުމަށް އެމީހާ ވަނީ އާންމުންގެ އެހީތެރިކަމަށް އެދިފައެވެ.

އެގޮތުން އޭނާއާއި ބެހޭ އެއްވެސް މައުލޫމާތެއް ލިބިއްޖެނަމަ، 9698898 އަށް ގުޅައި އެކަން ހިއްސާ ކުރުމަށް އެދިފައެވެ.