ރާއްޖޭގެ ހުރިހާ ރަށެއްގެ މިސްކިތްތަކުގައި ހިލޭ ސާބަހަށް '' މިސްކިތު ޤާރީ ކިލާސް'' ހިންގަން ފަށައިފިއެވެ.

މި ކްލާސްތައް ހިންގުމަށް ޖުމްލަ 29 ފަރާތެއްގެ އިތުރުން 03 ޖަމްއިއްޔާއެއްވެސް ހިލޭ ސާބަހަށް ކުރިމަތިލާފައިވެއެވެ.

މީގެ އިތުރުން 29 ތަނެއްގައި މި ކިލާސް މިވަގުތު ހިންގުމަށް ތައްޔާރުވެފައިވާކަމަށް އެ ވުޒާރާއިން މައުލޫމާތުދެއެވެ.

މި ޕްރޮގުރާމުގެ ދަށުން ހިންގާ ހުރިހާ ކިލާސްތަކެއްވެސް ހިންގަނީ ހިލޭސާބަހަށް ކަމަށާއި މިއީ އިއުލާންކޮށްގެން ކުރިމަތިލައިފައިވާ ފަރާތްތައްކަމަށް ވެއެވެ.

މި ⁠ކުލާސްތައް 09 އޮކްޓޫބަރު 2024އިން ފެށިގެން ކުރިއަށްދާނެ ކަމަށާއި ކްލާސްތައް އޮންނާނީ މިސްކިތްތަކުގައެވެ.

މި އާއި އެކު⁠ ކުދިންނަށް ރައްއްކާތެރި މާހައުލެއްގައި ކިޔަވައިދިނުމަށް މިނިސްޓަރ އިލްތިމާސްކުރެއްވާފައިވެއެވެ.

މި ޕްރޮގްރާމް ފަށާއަތޮޅުތަކަކީ (ހއ، ހދ، ނ، ބ، ކ، އއ،އދ، މ، ތ، ލ، ގއ، ގދ، ޏ، ސ) އެވެ. އަދި މާލެ، ވިލިމާލެ، ހުޅުމާލޭގައި މި ކުލާސްތައް ހިންގާނެ ކަމަށް ބުނެފައިވެއެވެ.

ފުރަތަމަ ފަށާ ރަށްތަކަކީ:

- މާލެ ސިޓީ

- ⁠ހުޅުމާލެ

- ⁠ވިލިމާލެ

- ⁠އައްޑޫ ސިޓީ

- ⁠ފުވައްމުލަށް ސިޓީ

- ⁠ހދ. ކުޅުދުއްފުށި

- ⁠އދ މަހިބަދޫ

- ⁠ލ. އިސްދޫ

- ⁠ތ. އޮމަދޫ

- ⁠ނ. ވެލިދޫ

- ⁠ހއ. ކެލާ

- ⁠ގއ. ކޮނޑޭ

- ⁠ށ. ފުނަދޫ

- ⁠ބ. ތުޅާދޫ

- ⁠ގދ. ނަޑެއްލާ

- ⁠ސ. ފޭދޫ

- ⁠ލ. މާވަށް

- ⁠އދ. މާމިގިލި

- ⁠އއ. ތޮއްޑޫ

- ⁠ކ. ތުލުސްދޫ

- ⁠ބ. ކުޑަރިކިލި

- ⁠މ. މުލަށް

- ⁠ތ. ކިނބިދޫ

މިއީ މިސްކިތްތަކުގެ ދައުރު ފުޅާކުރުމުގެ މަޤްސަދުގައި ހިމެނޭކަމެއް ކަމަށް އިސްލާމިކް މިނިސްޓްރީން ބުނެފައިވެއެވެ.