ސިޔާސީ އެއްވެސް މަޤްސަދެއް ހާސިލްކުރުމަށް، ރައީސް އަބްދުﷲ ޔާމީން އަބްދުލް ޤައްޔޫމް އަމިއްލަ ޤައުުމު ކޮމްޕްރޮމައިސް އެއް ނުކުރާނެ ކަމަށް ރައީސް ޔާމީން އަލަށް އުފައްދަވާފައިވާ ސިޔާސީ ޕާޓީ، ޕީޕަލްސް ނެޝަނަަލް ފްރަންޓް (ޕީއެންއެފް) ގެ ފަރާތުން ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ވާދަކުރުމަށް ޝައުގުވެރިކަން ފާޅުކުރައްވާފައިވާ ނާއިފް ޝައުކަތު ވިދާޅުވެއްޖެއެވެ.

ނާއިފް މިފަދައިން ވިދާޅުވީ ޗެނަލް 13 އިން ގެނެސްދޭ އަދާހަމަ ލައިވްގައި ވާހަކަ ދައްކަވަމުންނެވެ.

އެގޮތުން ނާއިފް ވިދާޅުވީ، ރައީސުލްޖުްހޫރިއްޔާ ޑޜ މުހައްމަދު މުއިއްޒާ ދެމެދު އެއްވެސް އެއްބަސްވުމެއްގައި ސޮއި ކުރެވިފައިވާ ނުވާނެ ކަމަށް ވިދާޅުވެފައެވެ. އަދި ރައީސް ޔާމީނަކީ އެއްވެސް ހާލަތެއްގައި ސިޔާސީ ބޭނުމުގައި އަމިއްލަ ޤައުމު ކޮމްޕްރމައިސް ކުރައްވާނެ ބޭފުޅެއް ނޫން ކަމަށެވެ.

އިތުރަށް ނާއިފް ވިދާޅުވީ، އެހެންނަމަވެސް އެމްޑީޕީއަކަށް ރައްޔިތުންގެ މަޖިލީހުގެ އެންމެ ގޮނޑިއެއްވެސް ދާކަށް އެއްވެސް ބަޔަކު ނޭދޭކަމަށެވެ. އަދި އެއި ރައީސް ޔާމީން އެންމެނަށް ދިން ނަސޭހަތް ގޮތުގައި ވެސް ނާއިފް ވަނީ ފާހަގަކުރައްވާފައެވެ.

އައު ސިޔާސީ ޕާޓީ އެއް އުފެއްދުމުގެ މަސައްކަތް ކުރަމުން ދިޔަ ނަމަވެސް، ރައީސް ޔާމީންގެ ޕާޓީގެ މެންބަރުންނާއި އެމަނިކުފާނު އަބަދުވެސް ސަރުކާރުގެ ދެމެހެއްޓުމަށްޓަކައި މަސައްކަތް ކުރައްވާނެ ކަމަށް އަންނަނީ އަބަދުވެސް ފާހަގަކުރަމުންނެވެ.