ލުބްނާން އިން ސަހްޔޫނީންނަށް ފާއިތުވި 24 ގަޑިއިރު ތެރޭ 300 އަށް ވުރެ ގިނަ ރޮކެޓް ފޮނުވާލައިފިއެވެ.

މި ހަމަލާތަކުގައި ސަހްޔޫނީންގެ އެއްވެސް ތަނަކަށް ގެއްލުން ލިބުނު ކަމެއް ނުވަތަ، މީހަކަށް ގެއްލުންވި ކަމެއް ރިޕޯޓްކޮށްފައިނުވެއެވެ.

ލުބްނާނުން ވަނީ މީގެ ކުރިންވެސް ސަހްޔޫނީންނަށް އަމާޒުކޮށް ގިނަ އަދަދެއްގެ ރޮކެޓް ހަމަލާތަކެއް ދީފައެވެ.

ލުބްނާންގެ ރައްޔިތުން ސޯޝަލް މީޑިޔާގައި ބުނެފައިވަނީ މިއަދު ފަތިހު 5:00 އެހާކަންހާއިރު ހިޒްބުﷲ އިން ސަހްޔޫނީންގެ އުތުރުގެ ސަރަހައްދަށް ރޮކެޓްތަކެއް ފޮނުވާލި އަޑު އިވުނު ކަމަށެވެ.

ސަހްޔޫނީން ޣައްޒާއާއި ލުބުނާނުގެ އެކި ސަރަހައްދުތަކަށް ވަރުގަދަ ހަމަލާތަކެއް ދެމުން އަންނައިރު، ޣައްޒާގައި ހަރަކާތްތެރިވާ ހަމާސް ޖަމާއަތާއި ލުބުނާނުގެ ހިޒްބުﷲއިން ވެސް އަންނަނީ އެ ގައުމަށް ވަރުގަދަ ހަމަލާތަކެއް ދެމުންނެވެ.