ލުބްނާންގައި ހުންނަ އެގައުމުގެ ސުލްހަ ބަލަހައްޓާ ސިފައިންގެ މަރުކަޒުގެ ދޮރުތައް ފަޅާލާ ސަހްޔޫނީންގެ ސިފައިންގެ ތިން ޕްލެޓޫން އިން ބްލޫ ލައިން ހުރަސްކޮށް ހަމަލާދީފިއެވެ.

އދ.ގެ ސުލްހަ ބަލަހައްޓާ ސިފައިން ނެރުނު ބަޔާނެއްގައި ބުނެފައިވަނީ ސަހްޔޫނީންގެ އަސްކަރިއްޔާގެ ދެ ޓޭންކެއް އެމީހުންގެ މައި ދޮރާށި "ހަލާކުކޮށްލައި" ސުލްހަ ބަލަހައްޓާ ސިފައިން ނިދާފައި ވަނިކޮށް "ގަދަކަމުން އެ ތަނަށް ވަދެފައިވާ" ކަމަށެވެ.

އދ ގެ ސުލްހަ ބަލަހައްޓާ ސިފައިން ބުނެފައިވަނީ މިއަދު ހެނދުނު 6:40 ހާއިރު ކޮންމެވެސް ކަހަލަ ކެމިކަލް އެއް ކަމަށް ބެލެވޭ ޒާތުގެ އެއްޗެހީގެ ހަމަލާއެއް އެ މީހުން ތިބި ހިސާބާއި 100 މީޓަރު ދުރުން އަމާޒުކޮށްފައެވެ.

ސަހްޔޫނީން އަންނަނީ ހުއްޓުމެއްނެތި ލުބްނާންގެ އެކި ސަރަހައްދުތަކަށް ހަމަލާތައްދީ ސުންނާފަތިކުރަމުންނެވެ.