ރައީސް މުހައްމަދު މުއިއްޒު އުޅުއްވަނީ މޮޔައެއްގެ އަތަށް ކަނޑިއެއް ލިބުނީމަ އުޅުއްވާހެން ކަމަށް ވިދާޅުވެ ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލުގެ ފާޑުކިޔުން އަމާޒުކުރައްވައިފިއެވެ.
މަލީހުގެ ފާޑުކިޔުން އަމާޒުކުރައްވާފައިވަނީ އެކްސްގައި ކުރެއްވި ޕޯސްޓެއްގައެވެ.
ރާއްޖޭގެ ޓެކްސްތައް ކުއްލިއަކަށް ބޮޑުކުރަން ނިންމުމާ ގުޅިގެން މަލީހު ކުރެއްވި އެކްސް ޕޯސްޓުގައި ވިދާޅުވެފައިވަނީ، އެއީ ވިޔަފާރިތަކަށް އެއްފަހަރާ ނުއުފުލޭނެ ވަރުގެ ބުރައެއް ކަމަށާ އަންނަ ޓުއަރިސްޓު މީހާއަކީ އަންލިމިޓެޑް ބަޖެޓެއްގައި އަންނަ މީހެއް ނޫންކަމަށެވެ.
އެހެންކަމުން ޓީޖީއެސްޓީ 12% އިން %17 އަށް ބޮޑު ކުރަން ނިންމި ނިންމުމާ ގްރީން ޓެކްސް 6 ޑޮލަރުން 12 ޑޮލަރަށް ބޮޑުކުރަން ނިންމި ނިންމުމާ އަދި ގެސްޓު ހައުސް ވިޔަފާރިތަކުގެ ޓެކްސް ތިން ޑޮލަރުން 6 ޑޮލަރަށް ބޮޑު ކުރަން ނިންމި ނިންމުން ބަދަލުކުރަން މަލީހު ވަނީ ގޮވާލައްވާފައެވެ.
މަލީހު ވިދާޅުވީ މޮޔައެއްގެ އަތަށް ކަނޑިއެއް ދިނުމުން އުޅޭނެ ގޮތަށް ރައީސް މުއިއްޒުވެސް ވެރިކަން ލިބުމުން ހައްދަފާއި ނުހައްދަވާނެ އެއްޗެއް ނޭނގިގެން އުޅޭ މަންޒަރު ފެންނަމުން ދާ ކަމަށެވެ.
ޓީޖީއެސްޓީ 12% އިން %17 އަށް ބޮޑު ކުރަން ނިންމި ނިންމުމާ ގްރީން ޓެކްސް 6 ޑޮލަރުން 12 ޑޮލަރަށް ބޮޑުކުރަން ނިންމި ނިންމުމާ އަދި ގެސްޓު ހައުސް ވިޔަފާރިތަކުގެ ޓެކްސް ތިން ޑޮލަރުން 6 ޑޮލަރަށް ބޮޑު ކުރަން ނިންމި ނިންމުމާ ގުޅިގެން ގިނަ ބަޔަކު ގެންދަނީ ފާޑުކިޔަމުންނެވެ. އަދި ރައްޔިތުންގެ މަޖިލިިހުގައި ވެސް މިކަމާ މެދު މެމްބަރުން ކަންބޮޑުވުން ފާޅުކޮށްފައިވެއެވެ.
