ރާއްޖޭގައި ދަރިވަރަކު ސްކޫލުގައި އިންދާ ކުއްލި ގޮތަކަށް ނިޔާވެއްޖެއެވެ.
މިކަމާ ގުޅިގެން ފުލުހުން މީޑިޔާތަކަށް ފޮނުވި މެސެޖުގައި ހާމަކޮށްފައިވާ ގޮތުގައި ނިޔާވެފައިވަނީ ހުރަވީ ސްކޫލުގައި ކިޔަވަމުން ދިޔަ އުމުރުން 13 އަހަރުގެ އަންހެން ކުއްޖެކެވެ.
ސްކޫލުގައި ކިޔަވަން އިންދާ ދިމާވި ކުއްލި ސިއްހީ މައްސަލައަކާ ގުޅިގެން އެ ދަރިވަރު ހޮސްޕިޓަލަށް ގެންދިޔަކަމަސް ފުލުހުންނަށް މިއަދު ހެނދުނު ރިޕޯޓުކޮށްފައިވާ ކަމަށާ އަދި އެ ކުއްޖާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް ފުލުހުންނަށް ހޮސްޕިޓަލުން މައުލޫމާތު ދީފައިވާ ކަމަށް ވެސް ފުލުހުން ވަނީ ހާމަކޮށްފައެވެ.
މައްސަލަ މިހާރު ތަހުގީގުކުރަމުންދާ ކަމަށްވެސް ފުލުހުން ވަނީ ހާމަކޮށްފައެވެ.
މި ދަރިވަރަށް ދިމާވި ސިއްހީ ކުއްލި މައްސަލައަކީ ކޮބައިކަމެއް ނަމަވެސް ތަފްސީލުކޮށްދީފައި ނުވެއެވެ.
'ތޭރަ އޮންލައިން"އަށް މައުލޫމާތު ލިބުނު ގޮތުގައި ނިޔާވެފައިވަނީ ހުރަވީ ސްކޫލުގައި ކިޔަވަމުން ދިޔަ އުމުރުން 13 އަހަރުގެ ފާތިމަތު ޝިމާ ނަމަކަށް ކިޔާ ދަރިވަރެވެ.
