ރ. އަލިފުށި ކަނޑުތޮށި ކައިރިން މަސް ހިފަން ފޭބި މީހަކު ނިޔާވެއްޖެއެވެ.

މިކަމުގެ މައުލޫމާތު ހިއްސާކޮށް ފުލުހުން މީޑިޔާތަކަށް ފޮނުވި މެސެޖުގައި ބުނެފައިވަނީ ރ. އަލިފުށި ކަނޑުތޮށި ކައިރިން މަސް ހިފަން ފޭބި ތިން މީހުންގެ ތެރެއިން އެކަކު މައްޗަށް ނާރާ އަޑީގައި އޮތް ކަމަށް މިއަދުގެ 12:08ގައި ފުލުހުންނަށް ރިޕޯޓުކޮށްފައިވާ ކަމަށެވެ.

ފީނަށް ފޭބިފަހުން ގެއްލުނު ކަމަށްބުނާ، ނަބީހު ޙަސަންގެ ހަށިގަނޑު އަލިފުށީގެ ދެކުނު ފަރާތު ކަނޑު އަޑިން ފަހުން ފެނިފައިވާ ކަމަށާ އެނާގެ ހަށީގަނޑު ނަގައިގެން ރަށު ހެލްތު ސެންޓަރަށް ގެންދިޔައިުރވެސް ނިޔާވެފައިވާ ކަމަށް ފުލުހުން މައުލޫމާތު ހިއްސާކޮށްފައިވެއެވެ.

"ތޭރަ އޮންލައިން"އަށް މައުލޫމާތު ލިބިފައިވަ ގޮތުގައި ގެއްލިގެން ހޯދަމުންދިޔަ ރ.އަލިފުށި / ކަޝްމީރު، ނަބީހު ޙަސަން މިއަދުގެ ހެނދުނު 10:00 ހާއިރު ފީނަން ފޭބީ އޭނާގެ ދެ ރައްޓެހިންނާ އެކުއެވެ.

ފުލުހުން ހާމަކޮށްފައިވާ ގޮތުގައި މައްސަލަ މިހާރު ގެންދަނި ތަހުގީގުކުރަމުންނެވެ.