ބުޅާ މަސް އަޅައިިގެން ކާ ތަކެތި ތައްޔާރުކުރިކަމުގެ ތުހުމަތުގައި ހައްޔަރު ކުރި އެމްޑީ އަރަފާތު ހޮސައިންގެ މައްޗަށް އެ ތުހުމަތުތަކާ ގުޅޭ އެއްވެސް ހެއްކެއް ފެނިފައިނުވާ ކަމަށް ދިވެހި ފުލުހުންގެ ޚިދުމަތުން ހާމަކޮށްފިއެވެ.

ދިވެހި ފުލުހުންގެ ޚިދުމަތުން މީޑިއާތަކަށް ފުލުހުން ފޮނުވި މެސެޖެއްގައި ބުނެފައިވަނީ މިހާތަނަށް ކުރި ތަހުގީގުން ބުޅާ މަސް އަޅައިގެން އެއްވެސް ކާއެއްޗެއް އަރަފާތު ތައްޔާރުކުރި ކަމުގެ ހެއްކެއް ނުފެންނަ ކަމަށެވެ. އަދި، އޭނާ ޑީޕޯޓު ކޮށްފައިވާ ކަމަށާ ޑީޕޯޓުކުރީ އިމިގުރޭޝަނާ ހަވާލުކުރުމުން އެ އިދާރާއިން ކަމަށެވެ.

ބުޅާ މަސް އަޅައިގެން ކާނާ ތައްޔާރުކުރިކަމުގެ ތުހުމަތުގައި އަރަފާތު ހޯދައި، އިމިގްރޭޝަނާ ހަވާލުކުރީ އޮގަސްޓް 20 ގައެވެ.

އޭގެ ފަހުން ގިނަ ދުވަސްތަކެއްވެފައިވަނިކޮށް މައްސަލައިގެ އަދާހަމަ ހިއްސާކޮށް ފުލުހުން ބުނީ ޖިނާއީ ތަހުގީގެއް ހިންގޭ ވަރަށް ހެއްކާއި ގަރީނާ ލިބިފައިނުވާތީ، އެ މައްސަލައިގެ ތަހުގީގު ވަނީ ނިންމާލައިފައެވެ.

ބުޅަލު މަހުގައި ކާނާ ތައްޔާރުކުރިކަމުގެ އެއްވެސް ހެއްކެއް ފެނިފައިނުވި ނަމަވެސް، އޭނާ ކާނާ ތައްޔާރުކުރަމުން ދިޔަ މުޑުދާރު ބަދިގޭގެ ފޮޓޯތަކާއި ވީޑިއޯތައް މީސްމީޑިއާގައި ދައުރުވިއެވެ. އެ ތަނަކީ ކާނާ ތައްޔާރުކުރަން އެކަށިގެންވާ ސާފުތާހިރު ތަނެއް ނޫނެވެ.