ޖަބާލިއާގައި ސަހްޔޫނީން ސިފައިން މަރާލައި ޒަހަމްކޮށްލި ކަމަށް ހަމާސް އިން ބުނެފިއެވެ.
ހަމާސް އިން ބުނެފައިވާ ގޮތުގައި ޣައްޒާގެ އުތުރުގައި ހުންނަ ޖަބަލިއާ ރެފިއުޖީ ކޭމްޕްގައި އެ ޖަމާއަތުގެ ހަނގުރާމަވެރިން ވަނީ ބަނގުރާ ބަރުކޮށްގެން ތިބި އިސްރާއީލުގެ ހަތަރު ވެހިކަލަކަށް ހަމަލާދީފައި ކަމަށެވެ.
ހަމާސް އިން ޓެލެގްރާމްގައި ކޮށްފައިވާ ޕޯސްޓެއްގައި ބުނެފައިވަނީ ޔާސީން-105 ރޮކެޓާއި ޝަވާޒް އެކްސްޕްލޯސިވް ޑިވައިސްއެއް ޖެހި އެ ގާފިލާގައި ޓޭންކަކާއި އާމާޑް ޕާސަނަލް ކެރިއާއަކާއި ދެ ޑީ9 ބުލްޑޯޒަރު ތިބި ކަމަށެވެ.
މީގެ އިތުރުން، އަސްކަރީ އާލާތްތައް ގޮއްވާލައި، ގިނަ އަދަދެއްގެ ސިފައިން މަރާލައި ޒަހަމްކޮށްލިކަމަށްވެސް ބުނެފައިވެއެވެ.
ސަހްޔޫނީން ދަނީ އެ ސަރަހައްދަށް ވަދެ މީހުން ދިރިއުޅޭ އިމާރާތްތައް ހަލާކުކޮށް، ގިނަ ބަޔަކު ހައްޔަރު ކުރަމުންނެވެ. ސަހްޔޫނީންގެ އަސްކަރިއްޔާ އާއި ފަލަސްތީނުގެ ހަތިޔާރު އެޅި ޖަމާއަތްތަކުގެ ކުރިމަތިލުންތައް އަންނަނީ ވަރުގަދަވަމުން ކަމަށް ރިޕޯޓްތައް ބުނެ އެވެ.
