ޣައްޒާގެ ސްކޫލަކަށް ސަހްޔޫނީން ދިން ހަމަލާއެއްގައި 17 މީހަކު ޝަހީދުވެފައިވާއިރު އޭގެ ތެރޭގައި 11 މަހުގެ ތުއްތު ކުއްޖަކާއި 32 މީހުން ހިމެނޭ ކަމަށް ރިޕޯޓްކޮށްފިއެވެ.

ލުބުނާނުގެ ސިއްހަތާ ބެހޭ ވުޒާރާއިން ބުނީ ސަހްޔޫނީން ބެއިރޫތުގެ ދެކުނުގެ އަވަށްތަކަށް ރޭގަނޑު 17 އަށް ވުރެ ގިނަ ހަމަލާ ދީ، އިންޒާރެއް ދިނުމަކާ ނުލައި ފެށި އޮޕަރޭޝަންތަކުގައި އެކަކު މަރުވެ ފަސް މީހަކު ޒަހަމްވެފައިވާ ކަމަށެވެ.

ޣައްޒާގެ ސަރުކާރުގެ މީޑިއާ އޮފީހުން ބުނީ ސަހްޔޫނީން ޖަބަލިއާއަށް ދިން އަސްކަރީ ހަމަލާއާއި ޣައްޒާގެ އުތުރުގެ ސަރަހައްދުތައް ވަށާލިތާ 20 ދުވަސް ވެގެން ދާއިރު ފަލަސްތީނުގެ 770 އަށްވުރެ ގިނަ މީހުން ޝަހީދުވެ 1000 އަށް ވުރެ ގިނަ މީހުން ޒަޚަމްވެފައިވެއެވެ.

ޣައްޒާގައި 2023 ވަނަ އަހަރުގެ އޮކްޓޯބަރު މަހުގެ 7 ވަނަ ދުވަހުން ފެށިގެން ސަހްޔޫނީން ދިން ހަމަލާތަކުގައި މިހާތަނަށް 42،847 މީހުން މަރުވެ، 100،544 މީހުން ވަނީ ޒަޚަމްވެފައެވެ. ހަމާސް ޖަމާއަތުން ދިން ހަމަލާތަކުގައި ސަހްޔޫނީންގެ 1،139 މީހުން މަރުވެ، 200 އަށް ވުރެ ގިނަ މީހުން ވަނީ ބަންދުކޮށްފަ އެވެ.