މިދިޔަ އަހަރުގެ ނޮވެމްބަރު 17 ވަނަ ދުވަހުން ފެށިގެން ދިވެހިރާއްޖޭގައި ކުރަމުންދަނީ ދެމީހެއްގެ ވެރިކަމެއްގެ ގޮތުގައި ރައީސް އަބްދުﷲ ޔާމީން އަބްދުލްގައްޔޫމް ސިފަކުރައްވައިފިއެވެ.
އެމަނިކުފާނު މިހެން ވިދާޅުވީ ޕީއެންއެފް އިން ރޭ ކުރިއަށް ގެންދިޔަ ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.
މިގޮތުން، ގައުމުގެ މުހިއްމު މައްސަލަތަކުގައި ކެބިނެޓް އަދި މަޖިލީސް ކޮމިޓީތަކާއި މަޝްވަރާ ނުކޮށް ނިންމުންތައް ނިންމަމުންދާ ކަމަށް ވިދާޅުވެ އެ މަނިކުފާނު ވަނީ ރައީސް މުއިއްޒުއަށް ވަރަށް ބޮޑަށް ފާޑު ވިދާޅުވެފައެވެ.
މިއާއި އެކު މަޖިލިސް މެންބަރުންނަށް ޔޫޓީއެފް ގެ އެގްރީމެންޓް އާއި ގުޅޭގޮތުން ބިލެއް ހުށަހަޅާ ވާހަކަދެއްކުމަށް ރައީސް ޔާމީން ވަނީ ގޮވަލާފައެވެ.
ޝިޔާމަށް ކެރި ވަޑައިގަންނަވާނެތޯ ޔޫޓީއެފް އެއްބަސްވުމާއި ގުޅޭ ގޮތުން ބިލެއް ހުށަހަޅާ ވާހަކަދައްކަން؟ ދެމަފިރިކަނބަލުންނޭ އެމީހުން ނުބުންޏަސް އެ ވިދާޅުވާ ދެމީހުންގެ ވެރިކަމަކީ މިއީ.
ރައީސް ޔާމީން ވިދާޅުވިއެވެ.
މި ވެރިކަމަކީ ރައްޔިތުންނަށް ހެޔޮ ކަމެއް ކޮށްދޭން އައިސްގެން އުޅޭ ބަޔެއް ނޫން ކަމަށާއި މިއީ ވަކި ދެމީހެއްގެ ގައުމު ކަމަށް ރައީސް ޔާމީން ވިދާޅުވިއެވެ.
މީގެ އިތުރުން، ގާނޫނު އަސާސީގައި މުހިންމު ބޮޑެތި މަސައްކަތްތައް ނިންމަވާއިރު ކެބިނެޓް އަދި މަޖިލީހާއި މަޝްވަރާ ކުރުން ލާޒިމު ކޮށްފައިވާ ކަމަށާއި ނަމަވެސް ފެނިގެންދަނީ ދިމްޔާތު ތެރެއިން ކަންކަން ނިމިގެންދާ މަންޒަރު ކަމަށް އެމަނިކުފާނުގެ ވާހަކައިގައި ފާހަގަކުރިއެވެ.
ޕީއެންސީގެ މަޝްވަރާ ތަކުގައިވެސް އެ ޕާޓީގެ މެންބަރުން ބައިވެރި ނުކުރާ ކަމަށް ރައީސް ޔާމީން ވިދާޅުވިއެވެ.
