އިސްލާމީކަންތައްތަކާ ބެހޭ ވުޒާރާއާއި ފެމިލީ ކޯޓު ގުޅިގެން ކައިވެންޏާއި އާއިލީ ގުޅުންތަކާ ބެހޭގޮތުން ރައްޔިތުން ހޭލުންތެރިކުރުވުމަށް "މަވައްދަތު" ގެ ނަމުގައި ސިލްސިލާކޮށް ބާއްވާ ފޯރަމްތަކުގެ ތެރެއިން ދެވަނަ ފޯރަމް ބާއްވައިފިއެވެ.

މިއަދު ކުރިއަށް ގެންދިޔަ މި ފޯރަމްގައި ކައިވެނީގެ މުހިއްމުކަމާއި، އާއިލީ ގުޅުމުގެ މަތިވެރިކަމާއި ބެހޭ ގޮތުން ވަނީ ވާހަކަ ދައްކާފައެވެ.

އިސްލާމީ ކަންތައްތަކާއި ބެހޭ ވުޒާރާއިން ދަނީ ރައްޔިތުން ހޭލުންތެރިކުރުވުމަށް އެކި މައުޟޫތަކަށް ބިނާކޮށް ތަފާތު ފޯރަމްތައް ބާއްވަމުންނެވެ.

މިއަދު އިސްލާމީ މަރުކަޒުގެ ޖަލްސާ ކުރާ މާލަމުގައި ކުރިއަށްދިޔަ މި ފޯރަމްގައި ޝެއިޚް މައުމޫންގެ އިތުރުން ދީނީ ޢިލްމުވެރިން މައުލޫމާތު ދިނުމުގައި ބައިވެރިވެފައިވެއެވެ.

މި ފޯރަމްގައި ގިނަ އަދަދެއްގެ ބައިވެރިން ވަނި ބައިވެރިވެފައެވެ.