Dhaulathaa Havaaluve Mithibee Huss Vagun: Wadde

19 ވަނަ މަޖިލީހުން ފާސްކުރި ބަޖެޓުން މިއަދާ ހަމައަށް ހަރަދުކުރި ގޮތުގެ ތަފުސީލު މި ސަރުކާރުން ހުށަހެޅި ސަޕްލިމެންޓަރީ ބަޖެޓު ދިރާސާ ކުރާ ކޮމިޓީއަށް ސިއްރުކުރަން އެ ކޮމިޓީން ފާސްކުރުމުން ޕީއެންއެފްގެ އިސް ސަފުގައި މަސައްކަތްކުރާ އަހުމަދު މުހައްމަދު ވަހީދު (ވައްޑެ) ފާޑު ވިދާޅުވެއްޖެ އެވެ.

ވައްޑެ މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން ވައްޑެ ވިދާޅުވީ މިވަރުގެ ޚުދުމުޚުތާރު ވެރިއެއް އަދި ދިވެހި ތާރީޚުނުދެކޭކަމަށެވެ.

50 ބިލިޔަންގެ ބަޖެޓް ހުސްކޮފައި އެއްވެސް ކަހަލަ އުސޫލެއް، ހަމައެއްނެތި ހަރަދުކުރި ގޮތުގެ ތަފުސީލު ސިއްރުކުރުމަށް މަޖިލިސްގެ ސުޕަރ މެޖޯރިޓީ ނަހަމަ ގޮތުގައި ބޭނުންކުރާކަމަށް ވެސް ވައްޑެ ވަނީ ޕޯސްޓްގައި ވިދާޅުވެފައެވެ.

ކަންތައްތައް މިފަދައިން ހުރުމުން މެމްބަރުން ޒިންމާދާރުކުރުވާނީ ކިހިނެއްތޯ އައްސަވާ ވައްޑެ ވަނީ ސުވާލުވެސް އުފައްދަވާފައެވެ.

ކަންތައް މިހެން ހުރުމުން ދޭހަވަގެންދަނީ ދައުލަތާ ހަވާލުވެ މިހުރީ ހުސް ވަގުންކަމަށް ވިދާޅުވެ ވައްޑެ ވަނީ އޭނާގެ ޕޯސްޓްގައި މަޖިލިސް މެމްބަރުންނަށް ވަރަށް ބޮޑަށް ފާޑުވިދާޅުވެފައެވެ.

މިވަރުގެ ޚުދުމުޚުތާރު ވެރިއެއް އަދި ދިވެހި ތާރީޚުނުދެކޭ! 50ބިލިޔަންގެ ބަޖެޓް ހުސްކޮފަ އެއްވެސް ކަހަލަ އުސޫލެއް ހަމައެއްނެތި މަޖިލިސްގެ ސުޕަރ މެޖޯރިޓީ ނަހަމަ ގޮތުގައި ބޭނުންކުރަނީ؟؟ ކިހިނެއްދެން މިމީހުން ޒިންމާދާރުކުރުވާނީ🤦🏽 ؟؟؟ ދަލަތާއި ހަވާލުވެ މިތިބީ ވަގުން ހުސް pic.twitter.com/PxRqxzu7zo
— WADDE 🇲🇻 (@wadde_mv) October 27, 2024