theyra online
ހަބަރު
ސިޔާސީ
ވިޔަފާރި
ދުނިޔެ
ރިޕޯޓު
ވީޑިއޯ
ފޮޓޯ
Theme
Copyright © 2013-2025 Media Ring Pvt Ltd.
All rights reserved
ވައްޑެ / ތޭރަ އޮންލައިން
ސިޔާސީ
މުލިއާގެއާ ހަމައަށް ނޫސްވެރިންނަށް ދެވުމަކީ ސެކިއުރިޓީ ފެއިލިޔަރ އެއް: ވައްޑެ
27 އޯގަސްޓު 2025
މާލެ ސިޓީ

މީޑިޔާގައި ތަޅު އަޅުވައި ކޮންޓްރޯލުނަގަން ސަރުކާރުން އަޑިގައި އޮވެގެން ހުށަހަޅާފައި ބިލާ ދެކޮޅަށް އިހުތިޖާޖުކުރި ނޫސްވެރިންނަށް ރައީސުލްޖުމްހޫރިއްޔާ ދިރިއުޅުއްވަމުން ގެންދަވާ ރިޔާސީ ގަނޑުވަރާ ހަމައަށް އިހުތިޖާޖުކުރަން ދެވުމަކީ މެޑަލް ޖަހަންވީކަމެއް ނޫން ކަމަށާ އެއީ ސެކިއުރިޓީގެ ބޮޑު ފެއިލިޔަރއެއްގެ ގޮތުގައި ސަލާމަތީ ބާރުގައި ކުރިން މަސައްކަތްކުރެއްވި އަހުމަދު މުހައްމަދު ވަހީދު (ވައްޑެ) ވިދާޅުވެއްޖެއެވެ.

ޕީއެންއެފްގެ ވެސް އިސް ސަފުގައި ސަރުކާރު ޖަވާބުދާރީ ކުރުވަން މަސައްކަތްކުރައްވާ ވައްޑެ މިފަދައިން ވިދާޅުވީ، ޑިފެންސް މިނިސްޓްރީ ސްޓޭޓު މިނިސްޓަރު މުއާޒު ހަލީމު އެއީ ނޫސްވެރިކަމުގެ މިނިވަންކަން އޮތް މިންވަރުގެ އެހާރާ މިހާރުގެ ތަފާތުކަމަށް ވިދާޅުވެ ސޯޝަލް މީޑިޔާގައި ކުރެއްވި ޕޯސްޓަކަށް ރައްދު ދެއްވާއެވެ.

މުއާޒު ވިދާޅުވީ މީގެ ކުރިން އެއްވެސް ވެރިކަމެއްގައި މީޑިޔާ ބޭފުޅުންނަށް މުލިއާގޭ ދޮރުމަތީ މުޒާހަރާ ނުކުރެވޭ ކަމަށާ ނޫސްވެރިން މިއަދު އަޑު އުފުލަން ތިބީ މުލިއާގޭ ދޮރުމަތީގައި ކަމަށެވެ. އަދި އެއިން ދައްކުވައިދެނީ މިނިވަންކަމުގެ އެހާރާ މިހާރު ކަމަށް ވިދާޅުވެ މުއާޒު ވަނީ އެކަމުގައި ސަރުކާރަށް މެޑަލްޖަހަން މަސައްކަތްކުރައްވާފައެވެ.

މި ވާހަކައަށް ރައްދު ދެއްވާ ވައްޑެ ވިދާޅުވީ، ރައީސުލްޖުމްހޫރިއްޔާގެ ސެކިއުރިޓީ ބަލަހައްޓަން ޖާމިނުވެފައި އޮތް މިނިސްޓްރީގެ ވެރިން ކަންކަން އަތުން ދޫވެގެންދާއިރުވެސް ބަލަނީ ސަނާ ކިޔޭތޯ ކަމަށެވެ. ވައްޑެ ވިދާޅުވީ، މުލިއާގެއާ ހަމައަށް ނޫސްވެރިންނަށް އިހުތިޖާޖުކުރަން ދެވުމަކީ އޭގެ ކްރެޑިޓު ސަރުކާރުން ނެގުމުގެ ބަދަލުގައި އެކަމުގައި ޖަވާބުދާރީވާން ޖެހޭ ފަދަ ކަމެއް ކަމަށެވެ.

އެގޮތުން މުލިއާގޭ ދޮށަށް އެއްވެ ނޫސްވެރިންނަށް އަޑު އުފުލެވުމުން ދޭހަކޮށްދެނީ ސެކިއުރިޓީ ފެއިލްވެ ޕްރޮޓޮކޯލުވެސް މުޅިން ނިޒާމުގެއްލިފައި އޮތް މަންޒަރު ކަމަށް ވިދާޅުވެ ވައްޑެ ވިދާޅުވީ، އެ ފެއިލިޔަރއާ ގުޅިގެން އެމްއެންޑީއެފްގެ ވެރިން ޖަވާބުދާރީ ކުރުވެން ޖެހޭނެ ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved