ޚަރަދު ލުޑަ ކުރަންޖެހޭ ތަންތާ ރައީސް ޑރ މުހައްމަދު މުއިއްޒު ކުރައްވަނީ ޚަރަދު ބޮޑުކަމަށް ޕީއެންއެފްގެ ސެކެޓްރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެ އެވެ.

މަލީހް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހް ވިދާޅުވީ ރައީސް މުއިއްޒު ރެއާއި ދުވާލު އެކުރައްވާކަމަކީ ޤައުމު ފަނާކުރުމުގެ މަސައްކަތްކަމަަށެވެ. ޚަރަދު ކުޑަކުރަންޖެހޭ ތަންތަނުގައި ޚަރަދު ބޮޑުކުރާކަމަށް ވެސް މަލީހް ވިދާޅުވި އެވެ.

މިއީ އެންމެ ކޮރަޕްޓް ސަރުކާރުކަން އަހަރެއް ނުވަނީސް މިއޮތީ ފެންނަންކަމަށާ އެސްޓީއޯ ފަދަ ކުންފުނިތައް އެހިސާބަށް ގެނެވުނީ ވަރަށް ދުވަހުގެ ބުރަ މަސައްކަތުންކަމަށް މަލީހް ވިދާޅުވި އެވެ.

މަލީހް އެސްޓީއޯގެ ވާހަކަ ފާހަގަކުރެއްވީ އެސްޓީއޯއަށް ސާފު ފައިދާގެ ގޮތުގައި ބޮޑު އެއްޗެއް ލިބިފައިވާ ދަނޑިވަޅެއްގައިކަން ފާހަގަކޮށްލެވެ އެވެ.