ގައުމެއް ރަނގަޅުގޮތުގައި ހިންގޭނީ ދައުލަތަށް އާމްދަނީ ވަންނަ ފަދަ މަޝްރޫއުތައް ހިންގައިގެން ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ރޭ ޕީއެންއެފްގެ ފްރޮންޓް އޮފީސް ޖަލްސާގެ އޯޑިއަންސްގަ އިންނަވާ ވާހަކަފުޅު ދައްކަވަމުންނެވެ.

ދިވެހި ގައުމު މިވަނީ މިއަދު މިފަދަ މަޝްރޫއުތަކަށް ބޭނުން ޖެހިފައި ކަމަށް ރައީސް ޔާމީންގެ ވާހަކަފުޅުގައި ވަނީ ފާހަގަކޮށްފައެވެ.

މިގޮތުން މަޝްރޫއުތައް ހިންގެވުމަށް 9 ބިލިއަންގެ އަދަދެއް ބަޖެޓުން ފާސްކޮށް، 2 ބިލިއަން ޚަރަދުވީއިރު ބަޖެޓް ޑެފިސިޓަށް ދިޔަ ގޮތް ހާމަކުރުމަށް ރައީސް ޔާމީން ވަނީ ގޮވާލާފައެވެ.

ބަޖެޓް 22 މިލިއަން ޑެފިސިޓް ވެފައިވާ ކަމަށް ފާހަގަކުރައްވާ ރައީށް ޔާމީން ވިދާޅުވީ 11 ގުނަ ޑެފިސިޓް އިތުރުވީ ދައުލަތަށް ނޭގިތޯ ރައީސް ޔާމީން ވަނީ ސުވާލު އުފައްދަވާފައެވެ. ނުވަތަ މިއީ މި ސަރުކާރުން ހިންގާފައިވާ ޖަރީމާއެއްތޯވެސް އެމަނިކުފާނު ވަނީ ފާހަގަކޮށްފައެވެ.

ގާނޫނުގައި ބުނެފައިވާ ގޮތުން ބަޖެޓަށް އެއްވެސް ބަދަލެއް ގެނެވޭނީ ރައްޔިތުންގެ މަޖިލީހަށް ހުށަހަޅާ އެ ބިލު ފާސްވެގެން ކަމަށް ވިދާޅުވެފައިވާއިރު 9 ބިލިއަނުން 2 ބިިލިއަން ޚަރަދުކޮށް ބާކީ ހަތް ބިލިއަން ވީގޮތެއް އިނގޭ މެންބަރަކުވެސް ނެތް ކަމަށް އެމަނިކުފާނުގެ ވާހަކައިގައި ވަނީ ސިފަކޮށްފައެވެ.

ބަޖެޓުގެ ހިސާބުތައް ސިއްރުކުރީ މިފަދަ އޮޅުން ބޮޅުންތައް ހުރުމުން ކަމަށް ރައީސް ޔާމީން ވިދާޅުވިއެވެ.