ސަރުކާރުން އާސަންދަ ސްކީމް ރިފޯމް ކުރުމުގެ މަސައްކަތުގެ ތެރެއިން އައުޓް ޕޭޝަންޓްގެ ހިދުމަތްތަކަށް ބިލްކުރުމުގައި ޕްރައިވެޓް އިންޝުއަރެންސް އަށް އިސްކަންދިނުމަށް ނިންމުމާއި ގުޅިގެން ދިވެހި ރައްޔިތުންގެ ނުރުހުން ސަރުކާރަށް ފާޅުކޮށްފިއެވެ.
މީސްމީޑިޔާގެ އެކި މަންސަތަކުގައި ސަރުމާރުން ނިންމެވި މި ނިންމުމާއި ގުޅިގެން ސަރުކާރަށް ދަނީ ބޮޑެތި ފާޑުކިޔުންތައް އަމާޒުވަމުންނެވެ.
ބެންކޮކް އަދި ދުބާއި ފަދަ ގައުމުތަކުން އާސަންދަ ހަމަޖައްސަވާނެ ކަމަށް ރައީސް މުއިއްޒު އެކި ޕްލެޓްފޯމްތަކަށް އަރާ ވައުދެވެފައިވާއިރު، ފެނިގެން މިދަނީ އަމިއްލަ ގައުމުގައިވެސް ދިވެހިންނަށް އާސަންދައިގެ ޚިދުމަތަށް ބުރޫއަރަމުން އަންނަ މަންޒަރެވެ.
ޓެކްސް ރޭޓްތައް ބޮޑުކޮށް، ތަކެތީގެ އަގު އިންތިހާއަށް އުފުލިފައިވާ ދަނޑިވަޅެއްގައި ސަރުކާރުން ވަނީ އަނެއްކާވެސް ރައްޔިތުންނަށް ނިކަމެތިކަން ޖައްސުވާފައެވެ.
