އެމަނިކުފާނު ޖަލަށްލުމުގައި މި ސަރުކާރުގެ ވެރިން ކުރަމުން ގެންދަނީ ކުށް ހީ އެއް ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ދަ ފްރޮންޓް އޮފީހުގައި ހޯމަ ދުވަހުގެ ރޭ ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވިދާޅުވީ އެމަނިފާނާ ދެކޮޅަށް ދެއްކޭނެ ސައްހަ ހެއްކެއް ނެތް ކަމަށާ އެހެންކަމުން ކޯޓުތަކުގެ ފަނޑިޔާރުން ގޯސް ނުހަދައިފި ނަމަ އެމަނިކުފާނުގެ މައްޗަށް ޖަލު ހުކުމެއް ނުއިއްވޭނެ ކަމަށެވެ.

ރައީސް ޔާމީން އިތުރަށް ވިދާޅުވީ އެމަނިފާނު ޖަލަށް ލުމަކީ އެއީ ސަރުކާރުގެ ވެރިން ކުރާ އުއްމީދަކަށް ނަމަވެސް ވެދާނެ ކަމަށެވެ.

ރައީސް ޔާމީން މިފަދައިން ވިދާޅުވެފައިވާއިރު އެމަނިކުފާނަށް ނިމިދިޔަ ރިޔާސީ އިންތިހާބުގައި ވާދަކުރުމުގެ ހައްގުވެސް ގެއްލުވާލީ އެމްޑީޕީ އަޑީގައި އޮވެ އެކަމަކަށް ވާގިވެރިވީ ބަޔަކާ އެކު ފަނޑިޔާރު ގެތަކުން ގޯސް ހަދައިގެން ކަމަށް ގިނަ ދިވެހި ރައްޔިތުން ބުނަމުންދެއެވެ. އަދި ޚުދު މިހާރުގެ ރައީސް މުހައްމަދު މުއިއްޒުވެސް އޭރު ސިފަކުރެއްވީ އެއީ ސިޔާސީ ދައުވާތަކެއްގެ ގޮތުގައިކަން ފާހަގަކޮށްލެވެއެވެ.