ކަނޑުމަގުން ރާއްޖެ އެތެރެކުރަން އުޅުނު 3.3 ކިލޯގްރާމްގެ ޑްރަގް ކަސްޓަމުން އަތުލައިގެންފި އެވެ.

މޯލްޑިވްސް ކަސްޓަމްސް އިން ޑްރަގްސް އަތުލައިގަތީ މާލޭގެ ވިޔަފާރި ބަނދަރުން މިދިޔަ އާދިއްތަ ދުވަހު އެވެ.

ކަސްޓަމްސްގެ ބެލުމުގެ ދަށަށް ގެންދިޔަ ޑްރަގްސް ތެރޭގައި ހުރީ 2282 ގްރާމްގެ ކެނެބިސް އާއި 1038 ގްރާމްގެ ކެތިނޯން އެވެ.

މިދިޔަ މަހުގެ 31 ވަނަ ދުވަހު ވެސް ކަސްޓަމުން ވަނީ ކަނޑުމަގުން ރާއްޖެ އެތެރެ ކުރަން އުޅުނު 5.9 ކިލޯގެ ޑްރަގް އަތުލައިގެންފަ އެވެ. އޭގެތެރޭގައި ވެސް ހިމެނެނީ ކެނެބިސް އަދި ކެތިނޯން އެވެ.

ވައިގެ މަގުން އެތެރެކުރާ މަސްތުވާތަކެތި ވެސް މި ފަހުން ގިނަ އަދަދަކަށް އަތުލައިގެންފައިވެ އެވެ. އަދި ޕޯސްޓް މެދުވެރިކޮށް ވެސް އެކި ފާޑުގެ ޑްރަގް އެތެރެކުރާ މައްސަލަ މިހާރު ބޮޑެވެ.