ހުޅުމާލޭގައި ކާރެއް ތެރޭގައި މީހަކު ރަހީނުކޮށްގެން ފައިސާ ހޯދަން އުޅުނު މައްސަލައެއްގައި މީހަކު ހައްޔަރުކޮށްފިއެވެ.
މީޑިއާތަކަށް ފުލުހުން ފޮނުވި މެސެޖެއްގައި ފުލުހުން ބުނީ އެ މައްސަލައިގައި ހައްޔަރު ކޮށްފައި ވަނީ ތަލާލް މޫސާ 37މ މާލެ ދަފުތަރު ނަންބަރު ރސ 9022 ކަމަށެވެ.
ފުލުހުން ބުނީ ތަލާލު ހައްޔަރު ކުރީ އިއްޔެގެ ވަގުތެއްގައި ހުޅުމާލެ އޯކިޑުމާ ހިނގުމުގައި ކާރެއްގެ ތެރޭގައި ދިވެހި ފިރިހެނަކު ރަހީނުކޮށް އަނިޔާ ކުރި މައްސަލައިގައި ކަމަށެވެ. އަދި އެމީހާއަށް ބިރުދައްކައި އޭނާގެ އާއިލާއަށް ގުޅައި ފައިސާއަށް ތަލާލު ޑިމާންޑު ކުރި ކަމަށް ވެސް ފުލުހުން ބުންޏެވެ.
އެ މައްސަލަ ބަލަމުން އަންނަކަމަށް ވެސް ފުލުހުން ވަނީ ބުނެފައެެވެ.
ރަހީނު ކުރުމުގެ އެކި އެކި މައްސަލަތައް މިހާރު މާލެ ސަރަހައްދުގައި ވަނީ އާންމުވެފައިކަން ފާހަގަކޮށްލެވެއެވެ.
