ހުޅުމާލޭގައި، ރޭ ކާރެއްގެ ތެރޭ މީހަކު ހިފަހައްޓައި ރަހީނުކުރި މައްސަލައިގައި ހައްޔަރުކުރި ފަސް މީހުންގެ ބަންދަށް ހުޅުމާލޭ މެޖިސްޓްރޭޓް ކޯޓުން ހަތް ދުވަސް ޖަހައިފި އެވެ.
މިކަމާ ގުޅޭ ގޮތުން ފުލުހުން މިއަދު ބުނި ގޮތުގައި، ކާރެއް ތެރޭ ދިވެހި ފިރިހެނަކު ރަހީނުކޮށްފައިވަނީ އިއްޔެގެ ވަގުތެއްގައި ހުޅުމާލޭގަ އެވެ.
ފުލުހުން ބުނި ގޮތުގައި:
އެ މައްސަަލައާ ގުޅިގެން ހައްޔަރުކުރިކަން ފުލުހުން ފުރަތަމަ ހާމަކުރީ އެންމެ މީހެކެވެ. އެއީ މާލޭ، ދަފްތަރު ރސ،9022 އުމުރުން 37 އަހަރުގެ ތޮލާލް މޫސާއެވެ.
މިއަދު ހަވީރު ފުލުހުން ބުނީ، އެ މައްސަލައާ ގުޅިގެން ތޮލާލްއާއެކު، އޭނާ ހައްޔަރުކުރި ސަރަހައްދުން ހަތަރު މީހަކު ހައްޔަރުކޮށްފައިވާ ކަމަށެވެ. އެއީ:
ފުލުހުން ބުނީ އެ ފަސް މީހުންގެ ބަންދާ މެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޒިރުކުރުމުން އެންމެން ވެސް ހަތް ދުވަހަށް ބަންދުގައި ބޭތިއްބުމަށް އެ ކޯޓުން އަމުރުކޮށްފައިވާ ކަމަށެވެ.
މި މައްސަލަ ފުލުހުން އަންނަނީ ތަހުގީގު ކުރަމުންނެވެ. ފަހަކަށް އައިސް މީހުން ރަހީނުކުރުމުގެ މައްސަލަތައް ކަންބޮޑުވާ މިންވަރަށް މާލޭގައި ވަނީ އިތުރުވެފަ އެވެ.
