ސަހްޔޫނީންެގެ ވެރިރަށް ތެލް އަވީވްގައި ހުރި ހަނގުރާމައާ ގުޅޭ މިނިސްޓްރީއަށް ޑްރޯން ހަމަލާތަކެއް ލުބްނާނުން ރޭ ދީފިއެވެ.

މި ހަމަލާ ދީފައި ވަނީ ލުބުނާންގައި ހަރަކާތްތެރިވަމުން އަންނަ ހިޒްބުﷲ ޖަމާއަތުންނެވެ. ހިޒްބުﷲ އިން ބުނި ގޮތުގައި ހަމަލާ ދިނީ ސަހްޔޫނީންގެ ކިރްޔާ އަސްކަރީ މަރުކަޒަށެވެ.

އެ އިމާރާތަކީ ސަހްޔޫނީންގެ ހަނގުރާމައާ ބެހޭ މިނިސްޓްރީ އަދި ޖެނެރަލް ސްޓާފްގެ ހެޑްކުއާޓާޒް ކަމަށް ހިޒްބުﷲ އިން ބުނެފައިވެއެވެ.

ނަމަވެސް ސަހްޔޫނީން ރިޕޯޓްކޮށްފައިވާ ގޮތުގައި އެ ގައުމަށް އަމާޒުކޮށް ފޮނުވާލި ދެ ޑްރޯން ވައްޓާލާފައިވާ ކަމަށެވެ.

ސަހްޔޫނީން އެގޮތަށް ބުނި ކަމުގައި ވިޔަސް، އެ ގައުމަކީ އެފަދަ ކަންކަން ވަރަށް ބޮޑަށް ފޮރުވަން އުޅޭ ބައެއްގެ ގޮތުގައި ފާހަގަކުރެވިފައިވެއެވެ.