ރޭ ތައާރަފް ކުރި ކުއްލި ހާލަތުގައި ގުޅޭނެ ނަމްބަރު 911 ލޯންޗް ކުރުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުން ވަޒީރު އިހުސާން ވިދާޅުވީ، އަކީ އެ ބޭނުންވާ މީހާއަށް ހިދުމަތް ދެވޭނެ ގޮތަށް އޮންނަ ނަމްބަރަކަށްވާއިރު، ޕްރޭންކް ކޯލް ކުރުމާއި، ނުގުޅަން ޖެހޭ ހާލަތްތަކުގައި މި ނަމްބަރުތަަކަށް ގުޅުމަކީ އެފަދަ ހިދުމަތް ދޭން އޮތް މަގަށް އެޅޭ ވަރަށް ބޮޑު ހުރަހެއް ކަމަށެވެ.

911 ގެ ސަބަބުން އެއް ކޯލަކުން ހުރިހާ މުވައްސަސާތައް ހާދިސާއެއް ދިމާވުމުން އެތަނަކަށް ގޮސް ރައްޔިތުންނަށް އެހީ ފޯރުކޮށްދެވޭނެ ގޮތް މަގުފަހިވެގެންދާނެ ކަމަށްވެސް އިހުސާން ފާހަގަކުރެއްވިއެވެ.

މި ޚިދުމަތް ރާއްޖޭގައި އިފްތިތާހްކޮށްފައިވަނީ މި ކަމުގެ މައި ސެންޓަރު ފުލުހުންގެ މުއައްސަސާގައި ގާއިމްކޮށް ފުލުހުންގެ ޚިދުމަތާއި، އެމްބިއުލާންސްގެ ޚިދުމަތުގެ އިތުރުން ކޯސްޓްގާޑް، ފަޔަރ އެންޑް ރެސްކިޔު ސަރވިސްގެ ޙިދުމަތްވެސް 911 ނަންބަރުގެ ތެރެއިން ރައްޔިތުންނަށް ލިބިގެންދާ ގޮތަށެވެ.

911 އަކީ ދުނިޔޭގެ ބޮޑެތި ގިނަ ގައުމުތަކުގައި ވެސް ޒަމާނުންސުރެ ބޭނުންކުރަމުން އަންނަ އެމަޖެންސީ ނަންބަރެވެ.