ދިވެހިރާއްޖޭގެ ޝަރުޢީ ނިޒާމް މިނިވަންވެއްޖެ ކަމަށް މި ސަރުކާރުން ބުނަމުން އަންނާތީ ރައީސް އަބްދުﷲ ޔާމީން އަބަްދުލަގައްޔޫމްގެ އިސްގާނޫނީ ވަކީލް ޑރ.މުހައްމަދު ޖަމީލް އަހްމަދު ރައީސް ޑރ.މުހައްމަދު މުއިއްޒަށް ވަރުގަދަ ސުވާލެއް އަމާޒުކުރައްވައިފިއެވެ.
ޗެނަލް 13 ގެ "ވީކެންޑް ވިތް ޑރ.ޖަމީލް" ގައި ވާހަކަ ދައްކަވަމުން އެމަނިކުފާނު ވަނީ ސަރުކާރުން ޝަރުޢީ ނިޒާމް މިނިވަން ކުރުމަށްޓަކައި ކުރެއްވީ ކޮންކަމެއްތޯ ވިދާޅުވެ، ސުވާލު އުފައްދާފައެވެ.
މިނިވަންވެއްޖެޔޭ؟ މިނިވަންވުމަކީ ކޮބާހޭ؟ ޖުޑިޝަރީ ތިމަންނަ މިނިވަންކޮށްފީމޭ.. ތިމަންނަ ނުފޫޒެއް ނެތޭ..ކޮން ވާހަކައެއް އެ ދައްކަނީ؟ އެއީ އެވާހަކަ ދައްކާ ކަމުގައިވާނަމަ ކޮންމެވެސް ކަމެއް ކޮއްފީމޭ އެ ބުނަނީ.. ސުވާލަކީ ކޮން ކަމެއްތޯ އޭ ކުރީ؟
ޑރ.މުހައްމަދު ޖަމީލް އަހްމަދު
އޭގެއިތުރުން ޑރ.ޖަމީލް ވަނީ "ނުފޫޒު" މި ބަހުގެ މާނަ ކިޔައިދެއްވާފައެވެ.
އިތުރަށް ޑރ.ޖަމީލް ވިދާޅުވީ ކުރީގެ ރައީސް އިބްރާހިމް މުހައްމަދު ޞާލިްހްގެ ސަރުކާރުގައި ޝަރުއީ ނިޒާމުގައި ނުފޫޒު އޮވެފައި މި ސަރުކާރުން، ރައީސް މުއިއްޒު ވެރިކަމަަށް ވަޑައިގެން ހުވާ ކުރެއްވުމުގެ ރަސްމިއްޔާތުގައި "ޝަރުއީ ނިޒާމް މިނިވަންވެއްޖޭ" ވިދާޅުވި ނަމަވެސް މިނިވަން ވެފައި ނުވާކަމަށެވެ.
ރައީސް މުއިއްޒު ވެރިކަމަށް ވަޑައިގަތީ ރައްޔިތުންގެ ގާތުން ރައީސް ޔާމިން މިނިވަން ކުރައްވާނެކަމަށް ވިދާޅުވެފައި ކަމަށްވެސް ޑރ.ޖަމީލް ވިދާޅުވެ ރައީސް މުއިއްޒަށް ފާޑު އަމާޒުކުރެއްވިއެވެ.
