މޫސުން ގޯސްވާނޭކަމަށް ލަފާކޮށް މޯލްޑިވްސް މީޓިއޮލޮޖިކަލް ސެންޓަރުން، ށ އަތޮޅުން ފެށިގެން ބ އަތޮޅަށް ރީނދޫ ސަމާލު ނެރެފިއެވެ.

މޫސުމާ ބެހޭ ގައުމީ އިދާރާއިން އެ ސަރަހައްދަށް ރީނދޫ ސަމާލް ނެރެފައިވަނީ، މިއަދު ހެނދުނު 11 ޖެހުމާ ހަމަޔަށެވެ. މެޓް އޮފީހުން ނެރެފައިވާ ރީނދޫ ސަމާލްގައި ބުނެފައިވަނީ، އެ ސަރަހައްދަށް ބޯކޮށް ވާރޭވެހުމާއެކު، ގުގުރައި އަދި ވިލާގަނޑުގައި 40 މޭލަށް ވައިގަދަވާނޭ ކަމަށެވެ. މީގެ އިތުރުން ކަނޑުތައްވެސް ގަދަވާނޭކަމަށް ލަފާކުރެވޭކަމަށް މެޓް އޮފީހުން ބުނެފައިވެއެވެ.

ރާއްޖޭގެ ބައެއް ސަރަހައްދުތަކަށް ކުރަމުންދާ ވިއްސާރާގައި މިދިޔަ ދުަވަސްތަކުގައި ބައެއް ރަށްރަށުގައި ފެންބޮޑުވެ ގެތަކަށް ފެންވަދެ ބައެއް ގެއްލުންތައް ދަނީ ލިބެމުންނެވެ.

މިއާއި އެކު، މޫސުމަށް ސަމާލުވެ ދަތުރުފަތުރު ކުރުމަށް ކަމާއި ބެހޭ ފަރާތްތަކުން އަންނަނީ އިލްތިމާސްކުރަމުންނެވެ.