އިލެކްޝަން ކޮމޮޝަންގެ ކުރީގެ ރައީސް ފުއާދު ތައުފީގުގެ ނަން, ރާއްޖެއިން ތައިލެންޑަށް ކަނޑައަޅާފައި ހުންނަވާ ސަފީރުގެ މަގާމަށް ހުށަހަޅައިފިއެވެ.
ތައިލެންޑަށް ދިވެހިރާއްޖެއިން ކަނޑައަޅާފައިވާ ސަފީރަކަށް ފުއާދުގެ ނަން ރައްޔިތުންގެ މަޖިލީހަށް ހުށަހެޅުއްވީ ރައީސް ޑރ. މުހައްމަދު މުއިއްޒުއެވެ. ނަން ހުށަހަޅުއްވާފައި ވަނީ މަޖިލީހުގެ މިއަދުގެ ޖަލްސާއަށެވެ.
ފުއާދުގެ ނަން ތައިލެންޑް ސަފީރުކަމަށް ހުށހަޅާފައި މިވަނީ އޭނާގެ ދައުރުގެ އީސީގައި އިއްޔެ ހަމަވެފައިވަނިކޮށެވެ.
އީސީގެ ގަވައިދު ބުނާ ގޮތުގައި ދެ އަހަރަށް ވުރެ އިތުރަށް ކޮމިޝަނުގެ މެމްބަރުކަމުގައި ނުހުރެވޭނެއެވެ.
ފުއާދަކީ 90 ގެ ފަހުކޮޅުން ފެށިގެން އިންތިހާބުތައް ބޭއްވުމުގެ އެކި މަސައްކަތްތަކުގައި ހަރަކާތްތެރިވަމުން އައިސްފައިވާ ބޭފުޅެކެވެ.
ކޮމިޝަނުގެ މެމްބަރުކަމަށް ފުއާދު އެންމެ ފުރަތަމަ އައްޔަނު ކުރެވުނީ 2008 ގައެވެ. ފުއާދަކީ އޭރު ރާއްޖޭގައި ހިންގަމުން ދިޔަ ހުރިހާ ސިޔާސީ ޕާޓީއަކުން ރުހިގެން އޭރު ކޮމިޝަނަށް އައްޔަނު ކުރި މެމްބަރެވެ.
ފުއާދު ފާހަގަވެފައިވަނީ ސިޔާސީ ހުރިހާ ޕާޓީތަކެއްގެ ވެސް އެންމެ އިތުބާރު އޮތް، އަދި ރައްޔިތުން ވެސް އިތުބާރު ކުރާ މެމްބަރުގެ ގޮތުގައެވެ.
ފުއާދުގެ ނަން ތައިލެންޑް ސަފީރަކަށް އައްޔަންކުރަން ހުށަހަޅާފައިމިވަނީ, ރައީސް މުއިއްޒު އިންތިޚާބު ވެވަޑައިގަތީއްސުރެ އެ އަޑު ފެތުރިފައިވަނިކޮށްކަން ފާހަގަ ކޮށްލެވެއެވެ.
