އިސްލާމިކް މިނިސްޓްރީން އިސްނަގައިގެން ކުރިއަށް ގެންދާ އިމާމުން ތާޒާ ކުރުމުގެ ޕްރޮގްރާމް އައްޑޫ ސިޓީގައި ފަށައިފި އެވެ.

މި ޕްރޮގްރާމްގައި އެ ސިޓީ އިން 68 އިމާމުން ބައިވެރިވެފައިވާ ކަމަށް މިނިސްޓްރީން ހާމަކޮށްފައިވެ އެވެ.

މިއީ އިމާމުން ތާޒާ ކުރުމުގެ ގައުމީ މަޝްރޫއުގެ ސިލްސިލާގެ ތެރެއިން ކުރިއަށް ގެންދާ ތަމްރީނުތަކެއް ކަމަށް އިސްލާމިކް މިނިސްޓްރީއިން ބުނެފައިވެ އެވެ.

މި އަހަރު ނިމިގެންދާއިރު މި މަޝްރޫއުގެ ދަށުން ރާއްޖޭގެ ހުރިހާ އިމާމުން ތަމްރީނުކޮށް ނިމޭނެ ކަމަށްވެސް އެ ވުޒާރާއިން ބުނެފައިވެ އެވެ.

މާލޭގެ އިތުރުން ރާއްޖޭގެ އެކި ސަރަހައްދުތަކުގައި މިނިސްޓްރީ އިން އަންނަނީ އިމާމުން ތާޒާ ކުރުމުގެ ޕްރޮގްރާމް ހިންގަމުންނެވެ. މި މަޝްރޫއުއަށް އިމާމުންގެ ވަރަށް ބޮޑު ތަރުހީބެއް ލިބެމުން އަންނަކަން ފާހަގަކުރެވިފައިވެއެވެ.