އުރީދޫ މޯލްޑިވްސްގެ ކަސްޓަމަރުންނަށް ހާއްސަކޮށް ހުޅުވާލައިގެން، ދޯހާ މެރެތަންގައި ދުވުމުގެ ދޭ ފުރުސަތު ލިބޭ ލަކީ ޑްރޯގެ ނަސީބުވެރިން އިއުލާނުކޮށްފި އެވެ.

އުރީދޫ މޯލްޑިވްސްއިން ވަނީ ދޯހާ މެރަތަން އިން ދެ ދިވެއްސަކަށް ފުރުސަތު ދިނުމުގެ ގޮތުން ހާއްސަ ލަކީޑްރޯއެއް މިދިޔަ އޮކްޓޯބަރު މަހުގެ 26 ވަނަ ދުވަހުން ނޮވެމްބަރު މަހުގެ 26 ވަނަ ދުވަހުގެ ނިޔަލަށް ކުރިއަށް ގެންގޮސްފަ އެވެ.

މި ލަކީޑްރޯއިން ހޮވިފައިވާ ދެފަރާތަކީ މުހައްމަދު އަޒްހަދު އަހުމަދު އަދި ތޯރިގު މުހައްމަދެވެ.

މިއީ އުރީދޫ މޯލްޑިވްސްގެ ފަރާތުން ކަސްޓަމަރުންތަކެއް ދޯހާ މެރަތަނަށް ފޮނުވާ ދެވަނަ ފަހަރެވެ.

މި އަހަރުގެ މެރަތަން އޮންނާނީ އަންނަ އަހަރުގެ ޖެނުއަރީ 17 ގަ އެވެ. ދޯހާގެ ހޮޓެލް ޕާކްގައި އޮންނަ މެރަތަންގައި މި އަހަރު 15،000 މީހުން ބައިވެރިވާނެ ކަމަށް ބެލެވެ އެވެ.