20 ވަނަ ރައްޔިތުންގެ މަޖިލިސް އިންތިހާބުގައި ވޯޓުލުމަށް ރީރަޖިސްޓްރީ ކުރަން ބޭނުންވާ ފަރާތްތައް ރަޖިސްޓްރީވުމަށް ފުރުސަތު ހުޅުވާލައިފިއެވެ.

މިކަން ހާމަކޮށްފައިވަނީ، އިންތިހާބާއި ބެހޭ މަރުކަޒު، އިލެކްޝަންސް ކޮމިޝަން (އީސީ) އިން އެކްސްގައި ކުރި ޕޯސްޓެއްގައެވެ.

އެގޮތުން އެ ޕޯސްޓުގައި ވަނީ، ވޯޓުލާން ރަޖިސްޓަރީވެފައިވާ ރަށް ނޫން އެހެން ތަނެއްގައި ވޯޓުލުމަށްޓަކައި ރަޖިސްޓަރީވުމަށް އެދި ހުށަހަޅާނީ އޮންލައިންކޮށް https://form.elections.gov.mv ކޮމިޝަނުގެ ރީ-ރަޖިސްޓްރޭޝަން ޕޯޓަލް މެދުވެރިކޮށް ކަމަށް ހާމަކުރައްވާފައެވެ.

އިތުރަށް އެޕޯސްޓުގައިވަނީ، މިފަހަރު ރީރަޖިސްޓްރީ ވުމުގެ ފުރުސަތު ހުޅުވާލައިފައިވަނީ ހަމަ އެކަނި އޮންލައިން ޕޯޓަލް މެދުވެރިކޮށް ކަން ހާމަކޮށްފައެވެ.

VR(space)NID no ޖެއްސެވުމަށްފަހު 1414 އަށް އެސްއެމްއެސް ކޮށްލުމުން އެމީހަކު ރަޖިސްޓްރީ ވެފައިވާ ތަނުގެ މައުލޫމާތު ލިބޭނެއެވެ. އަދި އީސީގެ ކޯލް ސެންޓަރު، 1414 އަށް ވެސް ގުޅުއްވައިގެން މައުލުމާތު ސާފުކުރެވޭނެއެވެ.