ނޫމަޑި ރިސޯޓްސް އެންޑް ރެސިޑެންސް އަށް ގެއްލުމުގެ ބަދަލުގެ ގޮތުގައި 55 މިލިއަން ޑޮލަރު (848 މިލިއަން ރުފިޔާ) ދޭން ޖެހުނީ ރައީސް ޑރ. މުހައްމަދު މުއިއްޒު ކަންކުރެއްވި ގޮތުން ކަމަށް ވާތީ އެމަނިކުފާނުގެ މައްޗަށް ދައުވާކުރަން ލަފާދިނުމަށް ރައްޔިތުންގެ މަޖިލީހަށް ގޮވާލައިފިއެވެ.

މިފަދައިން ގޮވާލާފައި ވަނީ ބުރާސްފަތި ދުވަހުގެ ރޭ ކުރިއަށް ގެންދިޔަ އެމްޑީޕީ ހަރުގެ ޖަލްސާގައި، ދާންދޫ ދާއިރާގެ ކުރީގެ މެމްބަރު ޔައުގޫބު އަބްދުﷲއެވެ.

ޔައުގޫބު ވިދާޅުވީ، އޭރުގެ އޭސީސީ އިން ސެޓްލްމެންޓް އެގްރީމެންޓްތައް ހަދައި ބަދަލުދޭން ރިކޮމެންޑް ކުރިކަމަށާ އަދި މިހާރުގެ ރައީސް މުއިއްޒުގެ ސަބަބުން ދައުލަތަށް ބޮޑެތި ގެއްލުންތަކެއް އެކަމުގައި ލިބިގެން ދިޔަކަމަށެވެ.

އެގޮތުން އެ މައްސަލައިގައި ނެދަލޭންޑްސްގެ އާބިޓްރޭޝަނަށް ދެއްވި ބަޔާން މުއިއްޒު ބަދަލުކުރެއްވިކަން މަޖިލީހުގެ ކޮމިޓީން ހާމަވިކަން ވެސް ޔައުގޫބު ވަނީ ފާހަގަކުރައްވާފައެވެ. އެހެންކަމުން ސެޓްލްމަންޓު ކޮމިޓިއިން ބަދަލުގެ ގޮތުގައި ދިން ފައިސާގެ މައްސަލަތައް ބަލާ ކުރިގެ ރައީސް އިބްރާހިމު މުހައްމަދު ސޯލިހުއަށާ ކުރިގެ އިކޮނޮމިކު މިނިސްޓަރު ފައްޔާޒުގެ މައްޗަށް ދައުވާ އުފުލަން ލަފާދިން ފަދައިން، އެ ސެޓްލްމަންޓުފެ ތެރޭގައި ހިމެނޭ ނޫމަޑިއަށް ބަދަލުދިން މައްސަލައިގައި އެ ކަންއުފަންކުރުވި ފަރާތުގެ ހައިސިއްޔަތުން މިހާރުގެ ރައީސް، އަދި ކުރީގެ ހައުސިން މިނިސްތަރު މުހައްމަދު މުއިއްޒުގެ ދައުވާ އުފުލެން އޮތްތޯ ދައުވާ އުފުލަން މަޖިޅީހުން ލަފާ ދިނުމަށް މަޖިލިސް ރައީސަށް ޔައުގޫބު ވަނި ގޮވާލާފައިވެއެވެ.

ނޫމަޑި ބަދަލު ދޭން ޖެހުނީ މުއިއްޒުގެ ހައުސިން މިނިސްޓަރު ކަމުގައި އަމަލުކޮށްފައިވާ ގޮތުން ކަމަށާއި ކޯޓުން ބޭރުގައި ހައްލުކުރުމަކީ މި މައްސަލައިގައި ދައުލަތަށް އެންމެ ފައިދާ ހުރި ގޮތް ކަމަށް ސޯލިހު ސަރުކާރުން ކުރިން ވަނީ ބުނެފަ އެވެ. ނޫމަޑި މައްސަލައިގައި ޑރ، މުއިއްޒު އޭސީސީ އަދި ޕޮލިސް އަށް ވަރަށް ގިނައިން ހާޒިރުކުރި އެވެ.

ކުރީގެ ސަރުކާރުން އުފެއްދި ސެޓްލްމަންޓް ކޮމިޓީން ބަދަލުގެ ގޮތުގައި އެކި ފަރާތްތަކަށް ގިނަ އަދަދެއްގެ ފައިސާ ދިން މައްސަލާގައި ކުރީގެ ރައީސް އިބޫ އަދި މިނިސްޓަރު ފައްޔާޒުގެ މައްޗަށް ޖިނާއީ ތަހުގީގެއް ހިންގަން ޕްރޮސިކިއުޓާ ޖެނެރަލަށް ލަފާ ދިނުމަށް ރައްޔިތުންގެ މަޖިލީހުން އިއްޔެ ވަނީ ފާސްކޮށްފަ އެވެ.