ވިސާނެތި ރާއްޖޭގައި އުޅެމުންދާ ފްރާންސްގެ މުސްލިމު އާއިލާ ރާއްޖެއިން ފޮނުވާލުމުގެ މަސައްކަތް ކުރަމުންދާ ކަމަށް މޯލްޑިވްސް އިމިގްރޭޝަނުން ބުނުމާއި ގުޅިގެން ގިނަ ބަޔަކު އެކަމާ ކަންބޮޑުވުން ފާޅުކޮށްފި އެވެ.

މިއީ ތ. ވޭމަންޑޫގައި އުޅޭ ހަ މެންބަރުންގެ އާއިލާއެކެވެ.

މި މީހުން ފްރާންސް ދޫކޮށްލީ އިސްލާމް ދީން ގަބޫލުކުރުމަށްފަހު ދިމާވި ނުތަނަވަސްކަމާއެކު ކަމަށާއި އެނބުރި ގައުމަށް ގޮސްފިނަމަ ޖަލަށް ދިޔުންފަދަ ބިރުތަކެއް ހުރި ކަމަށް އެ މީހުން ވޭމަންޑޫ މީހުން ކައިރި ބުނި ކަމަށް ނޫސްތަކުން މިއަދު ވަނީ ރިޕޯޓުކޮށްފައިވެ އެވެ.

ފްރާންސްއަކީ މުސްލިމުންނާއި މުސްލިމުންގެ ޝިއާރުތަކާ ވަރަށް ދެކޮޅު ގައުމެކެވެ. މި އާއިލާގެ އަންހެން / އަންހެން ކުދީންނަކީ ނިގާބު އަޅައިގެން އުޅޭ މީހުންނެވެ. އެ މީހުން ފުރާންސަށް ފޮނުވާލުމަކީ ވަރަށް ބޮޑު ނުރައްކަލެއްގެ ތެރެއަށް ހުށައެޅުން ކަމަށް ބުނެ އިމިގްރޭޝަންގެ ނިންމުމާމެދު ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ.

މި ކަމާއި ކަންބޮޑުވުން ފާޅުކޮށް މީހަކު ފޭސްބުކްގައި ބުނީ ފްރާންސްގެ މުސްލިމް ދެމަފިރިންގެ މައްސަލަ ދައުލަތުގެ ސަމާލުކަމަށް އައިސްފައި އޮންނަތާ ދުވަސްތަކެއް ވެއްޖެކަން ހަބަރު ކިޔައިލުމުން އެނގުނު ކަމަށެވެ ދައުލަތުން "މަޑުގިނީގައި" މައްސަލަ ބަލަމުން ދަނިކޮށް "ގިނިގަދަކޮށްލީ" ނޫހަކުންނެވެ. މިފަދަ ކަންކަން ރައްޔިތުން ބަލައިގަނެގެން ނުވާނެ ކަމަށެވެ. އެމީހާ އިތުރަށް ބުނީ މުސްލިމް ދެމަފިރިން ފްރާންސަށް އެތެރެވުމާއެކު ދެން ލާނީ ޖަލަށް ކަމަށެވެ. ދަރިންތައް ދައުލަތަށް ނަގައި އެތީސްޓް ފެމިލީތަކާ އެދަރިންގެ ބެލުން ހަވާލުކުރާނެ ކަމަށް ވެސް އޭނާ ބުނެ އެވެ.

އިމިގްރޭޝަންގެ ކޮންޓްރޯލާ ޖެނެރަލް ޝައްމާން މުހައްމަދު ވިދާޅުވީ، އިމިގްރޭޝަންގެ ގާނޫނާ ހިލާފަށް ފްރާންސަށް ނިސްބަތްވާ ހަ މީހުންގެ އާއިލާއެއް ރާއްޖޭގައި ދިރިއުޅެމުންދާ ކަމުގެ މައުލޫމާތު އިމިގްރޭޝަން ވޮޗްއަށް ޖުލައި 18ވަނަ ދުވަހު ލިބިފައިވާ ކަމަށެވެ.

އަދި އެ މައްސަލަ ބެލުމަށްފަހު އޮކްޓޯބަރު 23 ވަނަ ދުވަހު އެ މައްސަލައިގައި ހިމެނޭ އިސްފަރާތް އެ އިދާރާއަށް ހާޒިރުކުރި ކަމަށް ވެސް ޝައްމާން ވިދާޅުވި އެވެ.

މިކަމާއި ކަންބޮޑުވުން ފާޅުކޮށް ޝެއިހް ފަޒްލޫން ބިން މުހައްމަދު ވިދާޅުވީ ﷲގެ ޝަރީޢަތް ތަންފީޛުކުރާ މުސްލިމް ޤައުމެއްގައި އެތަނަށް އަންނަ އަދި ހިޖުރަކުރާ މުސްލިމުންނަށް ލިބިދޭނީ ހިމާޔަތާ ރައްކާތެރިކަމެވެ. ނަބިއްޔާ ﷺ ގެ އަރިއަހުން ވާރިދުވެފައިވާ ޞައްޙަ ޙަދީޘް ބަސްފުޅެއްގައި ވެއެވެ. المسلم أخو المسلم، لا يَظلِمُه ولا يُسلِمُه މުސްލިމަކީ އަނެއް މުސްލިމެއްގެ އަޚެކެވެ. އޭނާއަށް އަނިޔާވެރިއެއް ނުވާނެއެވެ. އަދި ޢަދުއްވުންގެ އަތްމައްޗަށް އޭނާ ދޫކޮށެއްވެސް ނުވެލާނެމެއެވެ. މުސްލިމުން އެއްބަޔަކު އަނެއްބަޔަކާމެދު މުޢާމަލާތް ހުންނަންޖެހޭނީ މިފަދައިންނެވެ މިފަދައިންނެވެ. ވޭތުވެދިޔަ 12 އަހަރު އަމާންކަމާ އެކު ދިވެހިރާއްޖޭގައި އުޅެމުންދިޔަ މުސްލިމް ޢާއިލާއަކަށް ދުއްތުރާކޮށް އެމީހުން މިގައުމުން ބޭރުކޮށް ޢަދުއްވުންނާ ހަވާލުކުރުމުގެ ބަދަލުގައި ބަލަންޖެހޭނީ އުޞޫލުތަކުގެ މަތިން އެމީހުންނަށް ތިބެވޭނެ ގޮތްތަކެއް ހަމަޖެއްސައި ދިނުމަށެވެ.

ފްރާންސްއަކީ މުސްލިމުންނާއި މުސްލިމުންގެ ޝިއާރުތަކާ ވަރަށް ދެކޮޅު ގައުމެކެވެ. މި އާއިލާގެ އަންހެން / އަންހެން ކުދީންނަކީ ނިގާބު އަޅައިގެން އުޅޭ މީހުންނެވެ. އެ މީހުން ފުރާންސަށް ފޮނުވާލުމަކީ ވަރަށް ބޮޑު ނުރައްކަލެއްގެ ތެރެއަށް ހުށައެޅުން ކަމަށް ބުނެ އިމިގްރޭޝަންގެ ނިންމުމާމެދު ގިނަ ބަޔަކު ދަނީ ކަންބޮޑުވުން ފާޅުކުރަމުންނެވެ.