އުއްތަމަފަނޑިޔާރު މުއުތަސިމް އަދުނާންގެ ސިއްހީ ހާލުކޮޅު ދެރަވެގެން ހޮސްޕިޓަލުގައި އެޑްމިޓުކޮށްގެން ފަރުވާ ދޭން ފަށައިފި އެވެ.

އެނގިފައިވާ ގޮތުގައި، އުއްތަމަ ފަނޑިޔާރަށް ފަރުވާ ދެނީ މައިބަދަޔަށް ލިބުނު އަނިޔާއަކާ ގުޅިގެންނެވެ. އިމަޖެންސީގައި ރޭ ދަންވަރު މާލެ ގެނެސް ފަރުވާ ދެމުން އަންނައިރު ހިނގާބިނގާވެ އުޅުއްވަން އުއްތަމަ ފަނޑިޔާރަށް ދައްޗެވެ.

ސުޕްރީމް ކޯޓު މިވަގުތު ރިސެސްގައި އޮތް އިރު، އުއްތަމަ ފަނޑިޔާރުން ވަޑައިގެން އުޅުއްވީ ބ. ފުޅަދޫގައި ޗުއްޓީއެއްގަ އެވެ.

އުއްތަމަ ފަނޑިޔާރުގެ ސިއްހީ ހާލުކޮޅާ ގުޅޭ ގޮތުން ރަސްމީ އިދާރާއަކުން އެއްވެސް އެއްޗެއް އަދި ހާމައެއް ނުކުރެ އެވެ.

އުއްތަމަ ފަނޑިޔާރު ހޮސްޕިޓަލުގައި އެޑްމިޓްކޮށްފައި މިވަނީ، ސިއްހީ ސަބަބުތަކަށްޓަކައި އެ މަނިކުފާނު ރިޓަޔާވާން އުޅުއްވާ ކަމަށް ވެސް އަޑު ފެތުރިފައިވާ ދަނޑިވަޅެއްގަ އެވެ.