ރައީސް މުހައްމަދު މުއިއްޒުގެ މޭޔަރު ކަމުގައި މާލޭ ސިޓީ ކައުންސިލުން ކޮރަޕްޝަންގެ ބޮޑެތި އަމަލުތަކެއް ހިންގި ކަމަށް ތުހުމަތުކުރެވޭ އަލީ ނަސީރު ގާސިމަށް ޖޭއެސްސީގެ ރައީސުލްޖުމްހޫރިއްޔާގެ މެންބަރުކަން ދީފި އެވެ.
ބުރާސްފަތި ދުވަހުގެ ހެނދުނު، ރައީސް އޮފީހުގައި ބޭއްވި ނަސީރު ވަނީ ޖޭއެސްސީގެ މެންބަރުކަމުގެ ހުވާ ކުރައްވާފަ އެވެ. އޭނާއަށް ހުވާލައިދެއްވީ ސުޕްރީމް ކޯޓުގެ ފަނޑިޔާރު އަލީ ރަޝީދު ހުސައިނެވެ.
ރަސްމިއްޔާތުގައި މުއިއްޒު ވަނީ، ޖޭއެސްސީގެ މެންބަރުކަމަށް އައްޔަންކުރި ކަމުގެ ލިޔުން ނަސީރާ ހަވާލުކޮށްދެއްވާފަ އެވެ.
ރައީސް މުއިއްޒު މީގެކުރިން ވަނީ ޕޮލިސް ބޯޑުގެ މެންބަރުކަމަށް ވެސް އޭނާ އައްޔަންކުރައްވާފަ އެވެ.
މުއިއްޒުގެ މޭޔަރު ކަމުގައި މާލޭ ސިޓީ ކައުންސިލުން ހިންގި އެތައް މިިލިއަން ރުފިޔާގެ ކޮރަޕްޝަންގެ އަމަލުތައް ހިންގުމުގައި ބައިވެރިވި ކަމަށް އޭނާ އަށް ތުހުމަތު ކުރެވެ
