މަކަރާއި ހީލަތުން ހުޅުމާލެއިން ބައެއް މީހުންނަށް ބިން ދޫކޮށްފައި ހުރިކަމުގެ ތުހުމަތުތަކާ އެކު ސަރުކާރަށް ޕްރެޝަަރު ބޮޑުވެފައިވާ މި ދަނޑުވަޅުގައި، ސަރުކާރު ހިންގާ ޕާޓީ، ޕީއެންސީގެ ހަރުގޭގެ ޖަލްސާތައް ކުރިއަށް ނުގޮސް ހުއްޓިފައި އޮންނަ މައްސަލައިގައި ރައީސް ޑރ. މުހައްމަދު މުއއްިޒު ކަންބޮޑުވުން ފާޅުކުރައްވައިފި އެވެ.

"ތޭރަ އޮންލައިން" އަށް މައުލޫމާތު ލިބިފައިވާ ގޮތުގައި "ހަރުގެ ޖަލްސާ" ނުބޭއްވޭ މައްސަލައާ ގުޅިގެން ރައީސް މުއިއްޒު މެސެޖެއް ފޮނުއްވާފައި ވަނީ ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ)ގެ ވަޓްސްއެޕް ގުރޫޕަ ށެވެ.

އެ މެސެޖުގައި އެމަނިކުފާނު ލިޔުއްވާފައި ވަނީ ބިންވެރިޔާ ސްކީމުން ގޯތި ހައްގު ނޫން ބަޔަކަށް ގޯތި ދިން ކަމަށް ތުހުމަތު ކުރެވޭ މައްސަލައިގައި ސަރުކާރު "ޕްރެޝަރު" ބޮޑު މި ދަނޑިވަޅުގައި ޕާޓީގެ ސެކްރެޓޭޓަރުން އިތުރު ހިއްވަރެއްލާ ޖަލްސާތައް ރޭވުން މުހިއްމު ކަމަށެވެ.

އަދި ޖަލްސާގެ ވާހަކަ ދައްކަވާނެ ބޭފުޅުންގެ ނަން ތައް އެމަނިކުފާނު ޕީއެންސީގެ ސެކްރެޓަރީި ޖެނެރަލް އަށް ފޮނުއްވަމުން ގެންދަވާނެ ކަމަށެވެ. އަދި ވިދާޅުވީ މި ސަރުކާރުގެ ސިޔާސީ މަގާމުތަކުގެ އިތުރުން ސަރުކާރަށް ތާއީދު ކުރައްވާ ބޭފުޅުންނަށް ދަންނަވައިގެން ހަރުގެ ހުއްޓިފައި އޮތް މައްސަލައަށް އަވަސް ހައްލެ ލިބިގެންދާނެ ކަމަށް އުންމީދު ކުރައްވާ ކަމަށެވެ.

ހ.ވެޔޮވިލާގައި ހެދި ޕީއެންސީގެ ހަރުގެ ރަސްމީކޮށް ހުޅުވާފައިވަނީ، މި އަހަރުގެ ޖޫންމަހުގެ 23 ވަނަދުވަހުގެރޭގަ އެވެ. އެ ފަހުން ދެ ތިން ރެއަކު ޖަލްސާތައް ބާއްވަމުންދިޔަ އެވެ. ނަމަވެސް މިހާރު ވަނީ އާންމުންގެ ތާއީދު ގެއްލި ޖަލްސާތައް ހުއްޓިފަ އެވެ.

އަދި މަހަކު އެއް ފަހަރު ހަރުގެއަށް ޖަލްސާގައި ބައިވެރި ވާނެކަން އިއުލާންކޮށްފައިވާ އެ ޕާޓީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އަށް ވެސް ވަނީ ސިލްސިލާ ހަރުގެ ޖަލްސާތައް ރާވާ ހިންގުމަށް ނުކުޅެދި ފައެވެ.

މި އަހަރު ނިމުމުގެ ކުރިން ޕީއެންސީއަކީ ރާއްޖޭގައި އޮތް އެންމެ ބޮޑު ސިޔާސީ ޕާޓީއަކަށް ހައްދަވާނެ ކަމަށް ޕީއެންސީގެ ލީޑަރު، ރައީސް މުއިއްޒު ވަނީ ވިދާޅުވެފަ އެވެ. ނަަމަވެސް ރައީސް މުއިއްޒުގެ ސަރުކާރުން އިންތިހާބުގައި ވީ ވައުދު ނުފުއްދި އެޗުޑީސީގެ ތެރެއިން މަކަރާއި ހީލަތް ހިމެނޭ ގޮތަށް އެތައް ބަޔަކަށް ހުޅުމާލެ ދެވަނަ ފިޔަވަހިން ވެސް އެކި ކަންކަމަށް ބިން ވިއްކާ ނުވަތަ ތަންތަން އިމާރާތްކުރަން ދިގު މުއްދަތަކަށް ދޫކުރާކަމުގެ ތުހުމަތު ކުރެވި ގިނަ ބަޔަކު އަންނަނީ ޕީއެންސީއާއި މި ސަރުކާރާއި ފެއަށް ޖެހެމުން ނެވެ.

ބިންވެރިޔާ ސްކީމަށް ޝަރުތު ހަމަނުވި ނަމަވެސް ގޯތި ލިބިފައިވާ މީހުންގެ ތެރޭގައި، އެޗްޑީސީގެ ފަޒުލް ބޭބެ ފަޒީލް ހިމެނޭ ކަމަށް ބުނާ ލިޔެކިޔުންތަކެއް ވަނީ އާންމުވެފަ އެވެ.

މީސް މީޑިއާގައި އާންމުވެފައި ހުރި ލިޔެކިޔުންތަކުން ދައްކާ ގޮތުގައި މި ގޮތަށް އެޗްޑީސީން ދިން ގޯތިތަކެއްގެ ވެރިފަރާތް ސާފުކުރަން ހައުސިން މިނިސްޓްރީއަށް ހުށަހެޅި އެވެ. މިނިސްޓްރީން ދިން ޖަވާބުގައި ބުނީ އެ ގޯތިތަކަކީ އެއްވެސް ބަޔަކާ އެ މިނިސްޓްރީން ހިންގި ސްކީމުގެ ދަށުން ހަވާލުކޮށްފައި ހުރި ގޯތިތަކެއް ނޫން ކަމަށެވެ.

އެ ތަހުގީގު ފެށިއިރު، މައްސަލަ ބޮޑުވެފައިވާ ގޯތީގެ ވަށާފާރު ހުރީ ރާނަން ފަށައިފަ އެވެ. ގާތްގަނޑަކަށް ހަތަރު ފޫޓެއްހާ އުސްމިނަށް ވަނީ ވަށައިގެން ފާރު ރާނައިފަ އެވެ. އެ މަސައްކަތް ކޮށްފައި ވަނީ ވަރަށް ފަހުންކަން އެނގެ އެވެ. ރޭނުމަށް ބޭނުންވާ ބައެއް ސާމާނު ވެސް ގޯތިތެރޭގައި އެބަހުއްޓެވެ.

ބިންވެރިޔާ ސްކީމުގެ ދަށުން ދޫކުރި ގޯތިތަކެއް ވަގަށް ވިއްކި މައްސަލަ ފުލުހުންނާއި އެންޓި ކޮރަޕްޝަން ކޮމިޝަން ގުޅިގެން ތަހުގީގު ކުރަމުން އަންނައިރު، އެ މައްސަލައިގައި 25 އަށް ވުރެ ގިނަ މީހުންގެ ޕާސްޕޯޓު މިހާރު ވަނީ ހިފަހައްޓާފަ އެވެ.