ރައީސް މުހައްމަދު މުއިއްޒުގެ ދޯހަޅި ސިޔާސަތުގެ ސަބަބުން ރާއްޖޭގެ ރަން ބިސް އަޅާ ކުކުޅުގެ ދުވަސް ހިނގައްޖެ ކަމަށް ޕީޕަލްސް ނެޝަނަލް ފްރޮންޓް (ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ
މަލީހު މިފަދައިން ވިދާޅުވީ ގައުމީ އެއްބައިވަންތަ ދުވަހުގައި ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ.
މަލީހު ވިދާޅުވީ، މިއަދުގެ ސަރުކާރުން ޒުވާނުންނާ މެދު އިހުމާލުވެފައިވާ މިންވަރަށް ދުވަހަކުވެސް ސަރުކާރަކުން އިހުމާލު ނުވާ ކަމަށަ އެ ޒުވާނުންނަށް ފަހި ގޮތްތައް ހޯދައިދިނުމަށް މި ސަރުކާރުން ނުކުޅެދިފައިވާ ކަމަށެވެ. އެގޮތުން ރާއްޖޭގައި އޮތް ބޮޑު ސިންގާ ޒުވާން އާބާދީއަށް ބޭނުންވާ ފުރުސަތު ރައީސް މުއިއްޒުގެ ސަރުކާރަށް ތަނަވަސް ކޮށްދެވޭތީ ބެލެނިވެރިން އެބަ ސުވާލުކުރާ ކަމަށް ވެސް މަލީހު ވަނީ ވިދާޅުވެފައެވެ.
މީގެ އިތުރުން ޓުއަރިޒަމް ސެކްޓަރގައިވެސް ޒުވާނުން މިއަދު ހާލުގައި ޖެހިފައިވާ ކަމަށާ އެގޮތުން އެ ޒުވާނުންނަށް ޑޮަލަރުން ލިބެމުން ދިޔަ މުސާރަ ސަރުކާރުގެ އިހުމާލުން މިހާރު ދިވެހި ރުފިޔާއިން ލިބި އެ ޒުވާނުން މިއަދު ތިބީ ސަރުޚާރާ މެދު ނުރުހިފައިކަންވެސް މަލީހު ފާހަގަކުރެއްވި އެވެ.
ޒުވާނުން ބޭނުންވަނީ ވަޒީފާ. ޒުވާނުން ބޭނުންވަނީ ގައުމީ އިގްތިސޯދު ހަރުދަނާވުން. ޒުވާނުން ބޭނުންވަނީ އެމީހުން އުއްމީދު ކުރާވަރު ތަނަކަށް ގައުމުވުން. އެހެން ނަމަވެސް މިއަދުގެ ހާލަތަކީ ކޮބައިތޯ. ރާއްޖޭގެ ރަން ބިސް އަޅާ ކުކުޅުގެ ދުވަސް ދުއްވާލައިފި. ރާއްޖެއަށް ނިމިދިޔަ އަހަރު އައި މަހުޖަނުންގެ ޕްރައިވެޓު ޖެޓުތަކުން މުޅި އެއާޕޯޓު އޮތީ ފުރާލާ. މިއަދު އެ ޖެޓުތައް އެ އޮތީ ލަންކާގައި އަޅާފައި. މުއިއްޒުގެ ދެކޮޅު ސިޔާސަތުގެ ސަބަބުން. ދިވެހި އެންމެ ގިނަ ޒުވާނުން ވަޒީފާ އަދާކުރަނީ ފަތުރުވެރިކަމުގެ ދާއިރާގައި. އެކުދިންނަށް ލިބޭ ސާވިސް ޗާޖު ދަށަށް ދާން ފަށައިފި.
މަލީހު
މަލީހު ވިދާޅުވީ، ޒުވާނުންނަށް ވީ ވައުދުތައް ވެސް ސަރުކާރުން އޮޅުވާލާއިފި ކަމަށެވެ. އެގޮތުން ޓިކްޓޮކު ކުޅެގެން ޕޭޕަލް މެދުވެރިކޮށް ފައިސާ ހޯދޭނެކަމަށް ބުނެ ވެސް ޒުވާނުންނަށް ހެދީ ދޮގުކަމަށް މަލީހު ވިދާޅުވިއެވެ.
