އެޗުޑީސީއާ ގުޅޭ ކޮރަޕްޝަންގެ ބޮޑު ތުހުމަތު އާންމުވުމުގެ ކުރިން ރައީސް ޑރ. މުއިއްޒު އަށް އެކަންކަން އެނގިވަޑައިގަންނަވާނެ ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެ އެވެ.

ބިންވެރިޔާ ސްކީމުގެ ދަށުން ގޯއްޗަކަށް އެދި ހުށަހެޅި މީހުންގެ ތެރޭގައި ފަޒުލްގެ ކޮއްކޮ ފަޒީލް ހިމެނެނު ނަމަވެސް އުސޫލުގެ ދަށުން އޭނާގެ ޝަރުތުހަމަނުވާ ކަމަށް އޮތީ ކަނޑައަޅާފައެވެ. އޭނާއަށް ގޯތި ނުލިބުނީ ސަރުކާރުން ކުރިން ހިންގި ބޯހިޔާވަހިކަމުގެ ސްކީމެއްގެ ދަށުން ބޯހިޔާވަހިކަމެއް ލިބިފައިވާ މީހަކަށް ވާތީއެވެ.

މީސް މީޑިއާގައި އާންމުވެފައި ހުރި ލިޔެކިޔުންތަކުން ދައްކާ ގޮތުގައި މި ގޮތަށް އެޗްޑީސީން ދިން ގޯތިތަކެއްގެ ވެރިފަރާތް ސާފުކުރަން ހައުސިން މިނިސްޓްރީއަށް ހުށަހެޅި އެވެ. މިނިސްޓްރީން ދިން ޖަވާބުގައި ބުނީ އެ ގޯތިތަކަކީ އެއްވެސް ބަޔަކާ އެ މިނިސްޓްރީން ހިންގި ސްކީމުގެ ދަށުން ހަވާލުކޮށްފައި ހުރި ގޯތިތަކެއް ނޫން ކަމަށެވެ.

އެ ތަހުގީގު ފެށިއިރު، މައްސަލަ ބޮޑުވެފައިވާ ގޯތީގެ ވަށާފާރު ހުރީ ރާނަން ފަށައިފަ އެވެ. ގާތްގަނޑަކަށް ހަތަރު ފޫޓެއްހާ އުސްމިނަށް ވަނީ ވަށައިގެން ފާރު ރާނައިފަ އެވެ. އެ މަސައްކަތް ކޮށްފައި ވަނީ ވަރަށް ފަހުންކަން އެނގެ އެވެ. ރޭނުމަށް ބޭނުންވާ ބައެއް ސާމާނު ވެސް ގޯތިތެރޭގައި އެބަހުއްޓެވެ.

މި މައްސަލައިގައި "އެސްއެސްޓީވީ" ކުރި ސުވާލަކަށް ޖަވާބު ދެއްވަމުން އުމަރު ވިދާޅުވީ، ސަރުކާރުގައި ރައީސަށް އެނގިވަޑައިނުގެން އެއްވެސް ކަމެއް ނުހިނގާނެ ކަމަށެވެ. އެގޮތުން މިސާލަކަށް، އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދަށް ކޮރަޕްޝަންގެ ތުހުމަތުކުރައްވައި، އެ ކުންފުނީގެ ކުރީގެ ޗެއާމަން އަހްމަދު ޒުހޫރު ސިޓީއެއް ނުފޮނުއްވިޔަސް ރައީސަށް މާ ކުރިން މައްސަލަ އެނގިވަޑައިގަންނަވާނެ ކަމަށް އޭނާ ވިދާޅުވި އެވެ.

އުމަރު އެ އިޝާރާތް ކުރެއްވީ، ފަޒުލްއަށް ކުރެވޭ ތުހުމަތުތަކުގެ ތަފުސީލު ހިމަނުއްވައި ޒުހޫރު، ރައީސް ޑރ. މުހައްމަދު މުއިއްޒަށް އެޑްރެސް ކުރައްވައި މިދިޔަ ޖުލައި މަހު ފޮނުއްވި ކަމަށް ބުނާ ހަތް ސަފުހާގެ ދިގު ސިޓީގައި އެ ކުންފުނީގެ ތެރޭގައި އޮތް އެތައް މައްސަލަތަކެއް ތިލަކޮށް، ކޮރަޕްޝަންގެ އެތައް އިންޒާރެއް ދެއްވާފައިވެ އެވެ. ޒުހޫރު ވިދާޅުވާ ގޮތުގައި، އެޗްޑީސީގެ އެތެރެއިން ކަންކަން ވަނީ ފައިސާ ދޭ މީހާއަށެވެ.

ރައީސްގެ ހާއްސަ އެދިވަޑައިގަތުމަކަށް އެޗްޑީސީގެ ޗެއާމަންކަމާ ހަވާލުވެވަޑައިގެންނެވި ޒުހޫރު މި އަހަރުގެ މޭ މަހު މަގާމުން ވަކިކުރި ފަހުން ރައީސަށް ފޮނުއްވި ކަމަށް ބުނާ އެ ސިޓީގައި، އެޗްޑީސީގެ އެމްޑީއަކަށް ހުންނެވި އިބްރާހިމް ފަޒުލް ރަޝީދަށް ގިނަ ތުހުމަތުތަކެއް ކުރައްވާފައިވެ އެވެ. ހައްގު ނޫން ފަރާތްތަކަށް ހުޅުމާލޭން ގޯތީގެ ހުއްދަ ދިން މައްސަލައެއް މިފަހުން ފެންމަތިވެގެން ދިޔައިރު، މި ހުރިހާ އިންޒާރެއް ޒުހޫރު އޮތީ ދެއްވައިފަ އެވެ.

އެ ސިޓީ ފޮނުވައިފައިވާކަން ހާމަވުމުން، އެ މައްސަލައިގައި ސަރުކާރުން އެއްވެސް ފިޔަވަޅެއް ނާޅައި ގިނަ ދުވަސްވީ ސަބަބާ ގުޅޭ ގޮތުން އާންމުން ސުވާލު އުފައްދައި، ރައީސް މުއިއްޒު އަށް ގިނަ ބަޔަކު އަންނަނީ ފާޑު ކިޔަމުން ނެވެ.

އެޗްޑީސީގެ މައްޗަށް ކުރެވޭ ކޮރަޕްޝަނުގެ ތުހުމަތުތަކާ ގުޅިގެން ފުލުހުން ވަނީ ޖިނާއީ ތަހުގީގެއް ފަށައިފަ އެވެ. އެ މައްސަލައިގައި ފަޒުލްއާއި ފަޒީލްގެ އިތުރުން ކުރީ ސަރުކާރުގައި ހައުސިން މިނިސްޓްރީގެ ސްޓޭޓް މިނިސްޓަރުކަން ކުރެއްވި އަކްރަމް ކަމާލުއްދީނާއި އެހެން ބައެއް މީހުންގެ ވެސް ޕާސްޕޯޓު ހިފަހައްޓާފައިވެ އެވެ. އަދި މި މައްސަލައިގައި ޝާމިލުވާ ގިނަ ބައެއްގެ އިލެކްޓްރޯނިކް ސާމާނުތައް ވެސް ފުލުހުން ވަނީ ހިފަހައްޓައިފި އެވެ.

މި މައްސަލަތަކުގެ ތަހުގީގަށް ފުރުސަތު ދެއްވުމަށް ކަމަށް ވިދާޅުވެ، ފަޒުލް ވަނީ މިހާރު ވަނީ މަގާމުން އިސްތިއުފާ ދެއްވައިފަ އެވެ.