ފެބްރުއަރީ 7 ވަނަ ދުވަހަކީ ކުރީގެ ރައީސް މުހައްމަދު ނަޝީދާއި އެމްޑީޕީގެ މެންބަރުންނަށް ވަރަށް ކަޅު ދުވަހެކެވެ.

ދިވެހިންގެ ތެރެއިން ބަދަލަކަށް ބޭނުންވެފައި ތިބި ގިނަ ޒުވާނުންތަކެއް އެހުވަފެނުގައި ޖެހި ވަރަށް ފޮނި އުންމީދާ އެކު ދިން ވެރިކަން ވެގެން ދިޔަ ގޮތް ހަމަ ދިވެހި ކޮންމެ ރައްޔިތެއްވެސް މިއަދު ވަރަށް ރަނގަޅަށް ދަންނާނެއެވެ. އެ ވިދާޅުވަމުން ގެންދިޔަ ލެޕްޓޮޕަކާއި 2 ރިސޯޓުން ގައުމު ހިންގާނެ ވާހަކަ އަކީ އެމްޑީޕީގެ އޭރުގެ ރޫހާނީ ލީޑަރު މުހައްމަދު ނަޝީދު ދިވެހިންނަކީ މޮޔައިން ކަމަށް ހަދާ ދެއްކި ވާހަކަ ތަކެއް ކަމަށް ގިނަ ބަޔަކު ބުނަމުން ދިޔައެވެ.

ނަޝީދުގެ ސަރުކާރުގައި މި ދިވެހިރާއްޖޭގެ އިގްތިސާދު ދުވަހަކުވެސް ނުދާހާ ފަހަތަށް ގޮސް ރާއްޖޭގެ ފަތުރުވެރިކަމުގެ ދާއިރާ މުޅިން ޚަރާބު ވެގެން ދިޔަ އެންމެ ބޮޑު އެއް ސަބަބެއް ކަމައް ވެގެން ދިޔައީ ގާތް ތިމާގެ މީހުންނާ ގާތް ރަހްމަތްތެރިންނާއި ޕާޓީގެ އެކްޓިވިސްޓުންނަށް ރިސޯޓް ހެދުމުގެ ނަމުގައި ފަޅު ރަށްތައް ބަހަމުން ގޮސް މިރަށްތައް އިންވެސްޓް ކުރުމަށް އައި އިންވެސްޓަރުންނަސްވެސް ލަނޑު ލިބި ޖެހުނު މައްސަލަތަކުގެ ސަބަބުން ދިވެހިރާއްޖެއަށް ބޭރުގެ ނުފޫޒު ގަދަ ބޮޑެތި އިންވެސްޓަރުންގެ އިތުބާރު ގެއްލެމުން ދިޔަ ހިސާބުންކަމަށް ޚުދު ނަޝީދުވެސް ޤަބޫލު ކުރެއްވިއެވެ.

ޕާޓީގެ މީހަކު ކަމަކު އެދެފިނަމަ ވަރަށް ފަސޭހައިން އެކަމެއް ވާނެ ކަމާއި އެހެން ޕާޓީގެ މެމްބަރަކު ކަމަކު އެދެފިނަމަ ނުލަފާކަން ދައްކާލާނެ ވާހަކަ ނަޝީދު ވިދާޅުވަމުން ދިޔައިރު ޑިމޮކްރެސީގެ ތާކިހާ އަޅުއްވައިގެން ވެރިކަމަށް ވަޑައިގަތުމަށް ދެއްކި ހުރިހާ ވާހަކަތަކެއް ނަޝީދު ހަނދުމަފުޅު ނެތިގެން ދިޔައީތޯ ރައްޔިތުން ސުވާލު އުފައްދަމުން ދިޔަ އިރުވެސް ނަޝީދު އެވާހަކަތަކަށް ބީރު ކަންފަތެއް ދީ އުޅެމުން ދިޔައީ މުލިއާގޭގައި ބާރ ހައްދަވައިގެން މަސާޖު ޕާލާ ހައްދަވައިގެން މުޅިންވެސް މަޖާ ނެންގެވުމުގައި ކަމަށް ދިވެހިންގެ ގިނަ ބަޔަކު ބުނަމުން ދިޔައެވެ.

ނަޝީދުގެ ސަރުކާރުން ދީނާ ޚިލާފް އަދި ކޮރަޕްޝަންއަށް މަގުފަހިވާ ކަންތައް އިތުރުވެ ޤާނޫނަށް ބޯނުލަނބާ ޤާޒީންވެސް ރަހީނު ކުރަމުން ދިޔުމުން އޭރުގެ އިދިކޮޅު ފަރާތްތަކުން މަގުމައްޗަށް ނުކުމެ ސިލްސިލާކޮށް މުޒާހަރާ ކުރަމުން ދިޔަ އިރު ބަޔަކު މުޒާހަރާ ކުރާ ކަމެށް އިނގިނުލައްވާ ކަމަށާއި މަގުމަތިން ސަރުކާރެއް ނުވެއްޓޭނެކަމަށް ނަޝީދު ވިދާޅުވަމުން ގެންދިޔައެވެ.

2010 ވަނަ އަހަރު ލ.ކައްދޫ އެއާޕޯޓްގެ 2 ގެސްޓްހައުސް ރީކޯ މޫސަގެ ހެވީލޯޑަށް ދިނުމާއި 2011 ވަނަ އަހަރު ފުވައްމުލަކާއި އައްޑޫގެ ދަތުރުފަތުރުގެ ކަންކަން ހަމަޖައްސާ ގޮތަށް ޝަރުތުކޮށް، ބީލަމަކާއި ނުލާ އެމް.ވީ.ކޭ އަށް ކުއްޔަށް ދިން އައްޑޫ ސިޓީގެ ގަމުގެ، ދޫގަސް " ގޭން އައިލެންޑް ރިޓްރީޓް " ގެ ނަމުގައި ހުޅުވިގެން ދިޔަ އިރު މިފަދަ ކޮރަޕްޝަން އަށް މަގުފަހިވާ ކަންތައް އިންތިހާ އަށް ދިޔުމުން ބޭރު ދުނިޔޭގައި އެންމެ ކޮރަޕްޝަން ގިނަ ގައުމު ތަކުގެ އެންމެ ކުރީގައި ރާއްޖޭގެ ނަން ފާހަގަވެގެން ދިޔުމުން ދިވެހިންނަށް ލިބިގެން ދިޔަ ނުތަނަވަސްކަން ފޫބެއްދުމައްޓަކައި ތަފާތު ޕޯޑިއަމް ތަކުގައި ނަޝީދު ހައްދަވަމުން ގެންދިޔަ އިތުރުފުޅުތަކުގެ ސަބަބުން ރައްޔިރުންގެ ގިނަ ބައެއްގެ ނަފްރަތު އިންތިހާއަށް ނަޝީދުގެ ސަރުކާރަށް ލިބި އެމްޑީޕީއަށް ނިސްބަތްވާ އިންސާފައް ލޯބުކުރައްވާ ބައެއް ބޭފުޅުންވެސް ނަޝީދު އަށް ބަހުގެ ހޫނު ހަމަލާތަކެއް ދެމުން ގެންދިޔަތަން ފެނިގެން ދިޔައެވެ.

ނަޝީދުގެ ސަރުކާރުން ދީނާ ޚިލާފް އަދި ކޮރަޕްޝަން އަށް މަގުފަހިވާ ކަންތައް އިތުރުވެ ޤާނޫނަށް ބޯނުލަނބާ ޤާޒީންވެސް ރަހީން ކުރަމުން ދަނީ ކަމަށް ބުނެ އޭރުގެ އިދިކޮޅު ފަރާތްތަކުން މަގުމައްޗަށް ނުކުމެ ސިލްސިލާކޮށް މުޒާހަރާ ކުރަމުން ދިޔަ އިރު ބަޔަކު މުޒާހަރާ ކުރާ ކަމެށް އިނގިނުލައްވާ ކަމަށާއި މަގުމަތިން ސަރުކާރެއް ނުވެއްޓޭނެކަމަށް ނަޝީދު ވިދާޅުވަމުން ގެންދިޔައެވެ.

ނަޝީދުގެ ސަރުކާރާއި ދެކޮޅަށް ކުރެވެމުން ދިޔަ މުޒާހަރާ 22 ރެޔަށް ދިގުދެމިގެން ގޮސް 7 ފެބްރުއަރީ 2012 ވަނަ ދުވަހު ނަޝީދު އަމިއްލަފުޅަށް އިސްތިއުފާ ދެއްވުމައްފަހު އޭރުގެ ނައިބް ރައީސްގެ މަގާމުގައި ހުންނެވި ޑރ. މުޙައްމަދު ވަޙީދު ހަސަން މަނިކު ރައީސުލްޖުމްހޫރިއްޔާ ކަމުގެ ހުވާ ކުރެއްވުމާއެކު ގިނަ ޕާޓީތަކެއް އެކުލެވޭ ކޯލިޝަންގެ ސަރުކާރެއް އުފެދިގެން ދިޔައިރު ގިނަ ބަޔަކު ފާހަގަ ކުރަމުން ދިޔައީ މިގައުމު މުޅިން މިނިވަންވެ އަމާންވީ ކަމަށެވެ.

ނަޝީދުގެ ޚުދުމުހުތާރުވެރިކަމަށް 12 އަހަރު ވެގެންދިޔައީއެވެ. ނަމަވެސް އަނެއްކާވެސް އެ ފަދަ ވެރިކަމެއްގެ ނިޝާންތައް ފެންމަތިވާން ފަށައިފިކަމަށް ރައްޔިތުން ބުނަން ފަށައިފިއެވެ.