ދިވެހިރާއްޖެއަށް ޒިޔާރަތްކޮށް އަދި އެމަނިކުފާނާއި އެކު އިންޓަވިއު ކުރެއްވުމަށް ރައީސް އަބްދުﷲ ޔާމީން އަބްދުލް ގައްޔޫމް އިންޑިއާގެ ނިއުސް ޗެނަލް ވިއޮނަށް ދައުވަތު އަރުވައިފި އެވެ.

މިކަން ހާމަވެފައިވަނީ ޕީއެންއެފްގެ ސެކްރެޓަރީ ޖެނެރަލް މުހައްމަދު މަލީހު ޖަމާލު ކުރެއްވި ޓްވީޓެއްގައިއެވެ. އަދި އެ ޓްވީޓުގައި ވިއޮންގެ ފޮރިން އެފެއާޒް އެސިސްޓަންޓް އެޑިޓަރު ސިދާންތް ސިބަލް ޓެގު ކުރައްވާފަވެ އެވެ

އެކަމާއި ގުޅިގެން ވިއޮންއިންވަނީ ރައީސް ޔާމީނާއެކު އޮންލައިން އިނޓަވިއުއެއް ކުރުމުގެ މަސައްކަތް ކުރިއަށް ދާކަމަށް އެކަމާއި ގުޅިގެން ގެނެސްދިން ހާއްސަ ބްރޭކިން ސެގްމަންޓެއްގައި ހާމަކޮށްފައި އެވެ.

ދާދި ފަހުން ފޮރިން މިނިސްޓަރު ޑރ. އަބްދުﷲ ހަލީލުވަނީ ވިއޮނަށް އިންޓަވިއުއެއް ދީފައެވެ. އެ އިންޓަވިއުގައި ޕީޕީއެމުން އޮޕޮޒިޝަންގައި އޮވެ ހިންގެވި އިންޑިއާ އައުޓް ކެމްޕެއިނު ލީޑު ކުރެއްވީ ރައީސް ޔާމީންކަމަށް ވިދާޅުވެ މިއަދުގެ ސަރުކާރުގެ އެއްވެސް ހިއްސާއެއް އެ ކެމްޕެއިނުގައި ނޯންނާނެކަމަށް ވިދާޅުވެފައި އެވެ.