އިހުސާން ފިހާރަ ހިންގާ ގ. އުފުރިޔާ ގޭގެ ހަަވަނަ ފަންގިފިލާގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފުން ބުނީ އެ ސަރަހައްދުގައި އެމްއެންޑީއެފް ފަޔާ އެންޑް ރެސްކިއު މިހާރު ހަރަކާތްތެރިވަމުންދާއިރު، އަލިފާނުގެ ހާދިސާ 00:01 ގައި ކޮންޓްރޯލްކޮށްފައިވާ ކަމަށް ވެސް އެމްއެންޑީއެފުން ވަނީ ބުނެ އެވެ.
އެ އިމާރާތުގައި ދިރިއުޅޭ އެންމެން މަގުމައްޗަށް ނެރެފައިވާއިރު، މި ހާދިސާއާ ގުޅިގެން މީހަކަށް އަނިޔާއެއްވީ ކަމުގެ އެއްވެސް ރިޕޯޓެއް އަދި ލިބިފައެއް ނުވެ އެވެ.
މިދިޔަ އަހަރު ވެސް ނުރައްކާތެރި، ބޮޑެތި އަލިފާނުގެ ހަދިސާތަކެއް ވަނީ ހިނގައިފައެވެ. އޭގެ ތެރޭގައި ތިން މިނިސްޓްރީއެއް މުޅިން އެނދި އަލިފާނުގެ ހާދިސާ ހިމެނެއެވެ.
