އިރުވައި މޫސުމުގެ ދުންފުހުގެ ސަބަބުން ވައި ނުސާފުވެ ހަމަ ލޮލަށް ސާފުކޮށް ފެންނަ ދުރުމިން ދަށްވެއްޖެކަމަށް މޯލްޑިވްސް މިޓިއޮރޮލޮޖިކަލް ސާވިސަސް މެޓު އޮފީހުން ބުނެފިއެވެ.

އެގޮތުން ހަމަ ލޮލަށް ފެންނަ ދުރުމިން ގާތްގަނޑަކަށް 3 ކިލޯމީޓަރު ދަށްވެފައިވާކަމަށާއި އަދި ކުރިއަށް އޮތް ދުވަސްވަރު މެދު ރާއްޖެ ތެރޭގެ އަތޮޅުތަކަށްވެސް ކުރިއަށް އޮތް ދުވަސްތަކުގައި ފެތުރިގެންދާނެކަމަށް ލަފާ ކުރެވޭކަމަށް މެޓު އޮފީހުން ހާމަކުރިއެވެ.

ކޮންމެ އަހަރެއްގައިވެސް އިރުވައި މޫސުން ފެށޭ ދުވަސްވަރު ޖައްވު ނުސާފުވެއެވެ. ޖައްވު ނުސާފުވެ ވައި ތަގައްޔަރުވަމުންދާތީ މާސްކު އެޅުމަށް ސިއްޙީ މާހިރުން އިރުޝާދުދެއެވެ.