ރައީސް ޑރ.މުހައްމަދު މުއިއްޒު ޝަރުޢީ ނިޒާމަށް އަތްނުބާނަން ކަމަށް ވިދާޅުވެ މުޅި ޝަރުޢީ ނިޒާމް މަރާލައިފި ކަމަށް ޕީއެންއެފްގެ ފަރާތުން 20 ވަނަ ރައްޔިތުންގެ މަޖިލީހުގެ ފުވައްމުލަކު މެދު ދާއިރާއަށް ކުރިމަތިލެއްވުމަށް ޝައުގުވެރިކަން ފާޅުކޮށްފައިވާ ކެންޑިޑޭޓް ޝިފާގް މުފީދް (ހިސްޓޯ) ވިދާޅުވެއްޖެއެވެ.

ހިސްޓޯ މިފަދައިން ވިދާޅުވެފައިވަނީ ބުދަ ދުވަހުގެ ރޭ ޗެނަލް 13 އިން ގެނެސްދިން ޕީއެންއެފްގެ އަދާހަމަ ލައިވްގައި ވާހަކަދައްކަވަމުންނެވެ.

އެގޮތުން ހިސްޓޯ ވިދާޅުވީ ސަރުކާރުން އެއޮތީ ޖުޑިޝަރީ ޕެރަލައިޒްކޮށްފައިކަމަށެވެ.

ޖުޑިޝަރީއެއްގެ ތެރެއިން ރައީސް ޔާމީންގެ މައްސަލަ ހިޞާރުކުރެވި އަދި ރިޕޯޓެއް ލިޔަން މަސް، ދެމަސް އަދި ތިން މަސް ވާކަމަށާއި އަދި މިހާވަރުން ދަންޏާ ގަރުނެއް ވެދާނެކަމަށް ވެސް ހިސްޓޯ ވަނީ ވިދާޅުވެފައެވެ.

މިހާހިސާބަށް ދިޔައިރު ދައުލަތުގެ ނުވަތަ ސަރުކާރުގެ ނިޔަތެއް އިންސާފް ހޯދަދިނުމުގައި އޮތް ކަމަށްވާނަމަ

ދައުލަތުގެ ފަރާތުން، ސަރުކާރުގެ ފަރާތުން ނުވަތަ ރައީސުލްޖުމްހޫރިއްޔާގެ ފަރާތުންކަމެއް ކުރެވިފައިވާނެކަމަށް ވެސް ހިސްޓޯ ވަނީ ފާހަގަކުރައްވާފައެވެ.

އަދި ބަންޑާރަ ނައިބަކަށް ހުންނަވާ ފަރާތް ރައީސް ޔާމީންގެ މައްސަލައިގައި އެއްވެސް މަސައްކަތެއް ކުރައްވާ މަންޒަރުވެސް ނުފެންނަކަމަށާއި ބަންޑާރަ ނައިބަކީ ރައީސް މުއިއްޒުގެ ޕަޕެޓެއްކަމަށް ވިދާޅުވެ ހިސްޓޯގެ ފާޑުކިޔުން ވަނީ ބަންޑާރަ ނައިބަށާއި ސަރުކާރަށް އަމާޒުކޮށްފައެވެ.