އާދަޔާހިލާފަށް ވައިގަދަވުމާއި ގުޅިގެން މޯލްޑިވްސް މިޓިއޮރޮލިޖިކަލް ސާވިސަސް މެޓުން ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފިއެވެ.

މިގޮތުން މޫސުމާއި ބެހޭ އިދާރާއިން ވަނީ ނ އަތޮޅުން ފެށިގެން ދ އަތޮޅަށް ވަނީ ހުދު ސަމާލު ނެރެފައެވެ. ސަމާލު ނެރެފައިވަނީ މިއަދުގެ 12:30 އިން 18:30 އަށެވެ.

އެއިދާރާއިން ހާމަކުރި ގޮތުގައި، މި ސަރަހައްދަށް ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެކަމަށް ލަފާކުރެވެއެވެ.

މެޓުން މިއަދު ރާއްޖޭގެ މޫސުން ރަނގަޅުވާނެކަމަށް މީގެ ކުރިން ބުނިނަމަވެސް މިއަދު މި ހުދު ސަމާލުގެ އިތުރުން ރީނދޫ ސަމާލެއް ނެރުނުކަން ފާހަގަކޮށްލެވެއެވެ.